قوستاناي وبلىسىندا تۇرعىن ءۇي ءورتى كەزىندە 66 جاستاعى ايەل كوز جۇمدى، دەپ حابارلايدى قازاقپارات.
وقيعا 25 ماۋسىم كۇنى سامير اۋىلىندا بولعان.
"ساعات 21:45-تە توبىل قالاسىنىڭ ءورت ءسوندىرۋ بولىمىنە شكولنايا كوشەسىندەگى جەكە تۇرعىن ءۇيدىڭ جانىپ جاتقانى تۋرالى حابار ءتۇستى. ءورت اۋقىمى 65 شارشى مەتردى قۇرادى. وقيعا ورنىنا كەزەكشى توپ جۇمىلدىرىلدى. تۇرعىن ءۇي ءورتى كەزىندە 1954 جىلى تۋعان ايەلدىڭ دەنەسى تابىلدى" دەلىنگەن تجد-نىڭ باسپا ءسوز حابارلاماسىندا.
ءورت ساعات 23:29-دا تولىعىمەن ءسوندىرىلدى. قازىرگى ۋاقىتتا تجد ماماندارى وقيعا ورنىندا ءورتتىڭ نەدەن شىققانىن انىقتاپ جاتىر.
