ق ر ۇكىمەتىنىڭ قاۋلىسىمەن مارات ەدىگە ۇلى شورانوۆ دەنساۋلىق ساقتاۋ ءبىرىنشى ۆيسە-مينيسترى قىزمەتىنە تاعايىندالدى. بۇل تۋرالى پرەمەر-مينيسترىنىڭ رەسمي سايتى حابارلادى.

مۇرات شورانوۆ 1975 جىلى الماتى قالاسىندا دۇنيەگە كەلگەن.

قازاق مەملەكەتتىك مەديسينا ۋنيۆەرسيتەتىن، اكادەميك ب. جاربوسىنوۆ اتىنداعى ۋرولوگيا عىلىمي ورتالىعىندا اسپيرانتۋرانى، ەموري ۋنيۆەرسيتەتىندە روللينس اتىنداعى قوعامدىق دەنساۋلىق ساقتاۋ مەكتەبىن ءتامامداعان.

ءار جىلدارى اكادەميك ب. جاربوسىنوۆ اتىنداعى ۋرولوگيا عىلىمي ورتالىعىنىڭ كىشى عىلىمي قىزمەتكەرى، عىلىمي قىزمەتكەرى، سەمەي قالاسىنداعى رادياسيالىق مەديسينا جانە ەكولوگيا قازعزي عىلىمي قىزمەتكەرى، قوعامدىق دەنساۋلىق ساقتاۋ جوعارى مەكتەبىنىڭ عىلىمي-زەرتتەۋ زەرتحاناسىنىڭ اعا عىلىمي قىزمەتكەرى بولىپ قىزمەت ەتتى.

2006-2008 جىلدارى اكادەميك ب. جاربوسىنوۆ اتىنداعى ۋرولوگيا عىلىمي ورتالىعى يننوۆاسيالىق ءبولىمىنىڭ مەڭگەرۋشىسى، ديرەكتور ورىنباسارىنىڭ مىندەتىن اتقارۋشى، ديرەكتوردىڭ ورىنباسارى بولىپ جۇمىس ىستەدى.

2008-2009 جىلدارى - ق ر دەنساۋلىق ساقتاۋ مينيسترلىگى دەنساۋلىق ساقتاۋدى دامىتۋ ينستيتۋتىنىڭ ديرەكتورى.

2010-2011 جىلدارى - اقش-تا ەموري ۋنيۆەرسيتەتى كلينيكاسىنىڭ جوبالار مەنەدجەرى.

2012-2013 جىلدارى - دەنساۋلىق ساقتاۋ مينيسترلىگىنىڭ دەنساۋلىق ساقتاۋدى دامىتۋ رەسپۋبليكالىق ورتالىعى باس ديرەكتورىنىڭ ورىنباسارى، ەكونوميكالىق زەرتتەۋلەر ورتالىعىنىڭ باسشىسى.

2013-2017 جىلدارى دەنساۋلىق ساقتاۋ مينيسترلىگىندە، دەنساۋلىق ساقتاۋ جانە الەۋمەتتىك دامۋ مينيسترلىگىندە، "ۇلتتىق مەديسينالىق حولدينگ" اق-دا، University Medical Center كورپوراتيۆتىك قورىندا باسشىلىق لاۋازىمداردى اتقاردى.

2017-2019 جىلدارى - شىعىس قازاقستان وبلىسى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى، باسشىسى.

2019 جىلى نۇر-سۇلتان ق.قوعامدىق دەنساۋلىق ساقتاۋ باسقارماسىنىڭ باسشىسى قىزمەتىن اتقاردى.

2019 جىلعى قىركۇيەكتەن باستاپ قازىرگى تاڭعا دەيىن "الەۋمەتتىك مەديسينالىق ساقتاندىرۋ قورى" كەاق باسقارما ءتوراعاسىنىڭ ورىنباسارى قىزمەتىن اتقاردى.