ق ر ۇكىمەتىنىڭ قاۋلىسىمەن ءلاززات مەيراش قىزى اقتايەۆا بەرگەن وتىنىشىنە سايكەس ق ر دەنساۋلىق ساقتاۋ ۆيسە-مينيسترى قىزمەتىنەن بوساتىلدى. بۇل تۋرالى پرەمەر-مينيستردىڭ باسپا ءسوز قىزمەتى حابارلايدى.
ءلاززات اقتايەۆا 1965 جىلى الماتى وبلىسىندا دۇنيەگە كەلگەن. الماتى مەملەكەتتىك مەديسينا ينستيتۋتىن (1988 ج.) جانە ق ر پرەزيدەنتى جانىنداعى مەملەكەتتىك باسقارۋ اكادەمياسىن (2003 ج.) ءتامامداعان.
ەڭبەك جولىن 1988 جىلى الماتى قالاسىنىڭ №3 پەرزەنتحاناسىندا اكۋشەر-گينەكولوگ بولىپ باستاعان. ءار جىلدارى قازاقستاننىڭ دەنساۋلىق ساقتاۋ جۇيەسىندە باسشىلىق قىزمەتتەردى اتقارعان. 2017 جىلعى اقپان ايىندا ق ر دەنساۋلىق ساقتاۋ ۆيسە-مينيسترى بولىپ تاعايىندالعان.
پىكىر قالدىرۋ