«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك facebook پاراقشاسىندا جۋرناليستەردى كاسىبي مارەكەسىمەن قۇتتىقتادى.

«قۇرمەتتى جۋرناليستەر!

بۇقارالىق اقپارات قۇرالدارى قىزمەتكەرلەرى كۇنى – كاسىبي مەرەكەسىنىڭ قارساڭىندا ءداستۇرلى تۇردە «NUR SUNQAR» رەسپۋبليكالىق كونكۋرسىن وسىمەن 11ء-شى رەت وتكىزىپ وتىر.

بۇگىندە بۇل سىيلىق جۋرناليستەر قاۋىمى اراسىندا بەدەلدى دە تانىمال ماراپاتقا اينالدى. «NUR SUNQAR» – مەديا-قوعامداستىق قىزمەتكەرلەرىنىڭ ەلدە ءجۇرىپ جاتقان رەفورمالاردى قولداۋ، قوعامدىق ماڭىزى بار جوبالاردىڭ تابىستى اتقارىلۋى جانە حالىقتىڭ كەرى بايلانىسىن قامتاماسىز ەتۋ بويىنشا سىڭىرگەن ەڭبەگى مەن ۇلەسىن باعالاۋدىڭ ءبىر كورىنىسى.

كونكۋرستىق كوميسسيا بيىل بىرنەشە جاڭا نوميناسيا بەلگىلەپ وتىر. «العى شەپ» – توتەنشە جاعدايدى جاريا ەتۋ بويىنشا قاجىرلى ەڭبەگى ءۇشىن»، «ءبىز بىرگەمىز» – ۆولونتەرلىك جۇمىس تۋرالى ۇزدىك جاريالانىم»، «پارتيانىڭ «قايتا جاندانۋى» بويىنشا ۇزدىك ماتەريال» نوميناسيالارى.

جالپى 135 ءوتىنىم جانە 355 ماتەريال بەرىلدى.

قۇرمەتتى دوستار!

پاندەمياعا بايلانىستى قالىپتاسىپ وتىرعان قازىرگى جاعداي ءبىزدىڭ سالتاناتتى شارانى وتكىزۋ جونىندەگى جوسپارىمىزدى تۇبەگەيلى وزگەرتتى. بيىل بىزگە پارتيالىق سىيلىقتى سالتاناتتى تۇردە تاپسىرۋ راسىمىنەن باس تارتۋعا تۋرا كەلىپ وتىر. بۇل – امالسىزدان جاسالىپ وتىرعان قادام. بۇعان بارشا قاتىسۋشىلار تۇسىنىستىك تانىتادى دەپ سەنەمىن.

پارتيامىزدىڭ ليدەرى، ەلباسى نۇرسۇلتان نازاربايەۆ ءاردايىم جۋرناليستەردىڭ شىعارماشىلىعى ەلىمىز بەن حالقىمىزدىڭ يگىلىگىنە باعىتتالعان ىزگى ىستەرگە ۇيىتقى بولۋىن قالادى. سوندىقتان دا كونكۋرستىق كوميسسيا ەل دامۋىنىڭ وزەكتى ماسەلەلەرىن جارىققا شىعارۋعا ەلەۋلى ۇلەس قوسقان ۇزدىك ءسوز زەرگەرلەرىن ىرىكتەپ الدى. جەڭىمپازداردىڭ ەسىمدەرى بەينەروليكتە بەرىلگەن.

پارتيانىڭ اتىنان جانە جەكە ءوز اتىمنان «NUR SUNQAR – 2020» سىيلىعىنىڭ جەڭىمپازدارىن لايىقتى ماراپاتتارىمەن قۇتتىقتايمىن! بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسى – جۋرناليستەر كۇنى قۇتتى بولسىن!

بارشاڭىزعا مىقتى دەنساۋلىق، باق-بەرەكە جانە شىعارماشىلىق مول تابىس تىلەيمىن!» دەلىنگەن باۋىرجان بايبەك جازباسىندا.