بۇگىن ق ر پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ، گرانتتارىن تاپسىرۋ جانە العىسىن جاريالاۋ ءراسىمى ءوتتى، دەپ حابارلايدى قازاقپارات.

شارا بارىسىندا ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ  مەملەكەت باسشىسى قاسىم-جومارت توقايەۆتىڭ بۇقارالىق اقپارات قۇرالدارى وكىلدەرىن كاسىبي مەرەكەسىمەن قۇتتىقتاۋىن وقىپ بەردى.

سونىمەن قاتار ول قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن «قازاق ادەبيەتى» گازەتىنىڭ باس رەداكتورى قۋاتوۆ داۋرەن قاسەنۇلىنا، «ەگەمەن قازاقستان» رەسپۋبليكالىق گازەتى» اق باسقارما ءتوراعاسى ءقىدىرالى دارحان قۋاندىقۇلىنا، «جەتىسۋ» تەلەارناسىنىڭ ديرەكتورى سارىباي سەرىك ابىكەنۇلىنا، «حابار» تەلەارناسىنىڭ تالدامالىق باعدارلامالار ءبولىمىنىڭ شەف-رەداكتورى ترۋحاچيەۆ الەكساندر ۆلاديميروۆيچكە تابىس ەتتى.

ال قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارىن «QAZAQSTAN» ۇلتتىق تەلەارناسىنىڭ ءتىلشىسى ءاشىم البيناعا، «حابار» تەلەارناسى تالدامالىق باعدارلامالار ءبولىمىنىڭ ءتىلشىسى مادياروۆا ماقپال باقىتبەكقىزىنا، «Semei» تەلەارناسىنىڭ رەداكتور-تەلەجۇرگىزۋشىسى نۇرىشيەۆا مارجان ەركىمبەكقىزىنا، «ازاتتىق رۋحى» اقپارات اگەنتتىگىنىڭ شىعارۋشى رەداكتورى سمايلوۆ جاندوس مەيىربەكۇلىنا بەردى.

قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسىمەن «انا ءتىلى» گازەتىنىڭ، «قازاقپارات» حالىقارالىق اقپارات اگەنتتىگىنىڭ، «كازاحستانسكايا پراۆدا» رەسپۋبليكالىق گازەتىنىڭ، «QAZAQSTAN» ۇلتتىق تەلەارناسىنىڭ ماڭعىستاۋ وبلىستىق فيليالىنىڭ شىعارماشىلىق ۇجىمى ماراپاتتادى.

– بۇگىنگى ماراپاتتارىڭىز قۇتتى بولسىن! سىزدەر بۇعان ابدەن لايىقتىسىزدار. سونىمەن قاتار وزدەرىڭىز ارقىلى ەلىمىزدىڭ بۇكىل جۋرناليستەرىن كاسىبي مەرەكەلەرىمەن قۇتتىقتايمىن! قادامدارىڭىز قۇتتى، قالامدارىڭىز جۇيرىك بولسىن! ەلىمىزدىڭ دامۋى ءۇشىن اقپارات سالاسىندا ايانباي ەڭبەك ەتە بەرىڭىزدەر، – دەدى داۋرەن ابايەۆ.