الماتىدا سانيتارلىق تالاپتاردى ساقتاماعانى جانە كارانتين كەزىندە كوپ اداممەن كوپشىلىك شارا وتكىزگەنى ءۇشىن «دوستلۋك» كافەسىنىڭ قىزمەتى توقتاتىلدى.

اعىمداعى جىلدىڭ 27 ماۋسىمىندا سانيتارلىق تالاپتاردىڭ ساقتالۋىن باقىلاۋ بويىنشا ءموبيلدى توپ ساعات 08.00-دەن 18.00-گە دەيىن نىسانداردى ارالاپ شىقتى. تەكسەرۋ بارىسىندا سانيتارلىق نورمالاردى ەلەمەيتىن نىساندار انىقتالدى. اتاپ ايتقاندا، «دوستلۋك» كافەسى. كافە اۋماعىندا ورەسكەل ءتارتىپ بۇزۋشىلىقتار انىقتالدى، اتاپ ايتقاندا كوپ ادام جينالعان ءىس-شارا وتكىزىلگەن. 100 ادامعا ارنالعان بانكەت (ۇيلەنۋ تويى). مەكەمەنىڭ يەسىنە اكىمشىلىك حاتتاما تولتىرىلىپ، ءىس-شارا سول مەزەتتە توقتاتىلدى.

ەپيدەميولوگتار ءىس-شارانىڭ قوناقتارىمەن قاشىقتىقتى ساقتاۋ جانە ءۇي ىشىندە كوپ جينالۋدىڭ الدىن الۋدىڭ ماڭىزدىلىعى تۋرالى ءتۇسىندىرۋ جۇمىستارىن جۇرگىزدى. COVID-19 - بۇل اۋا تامشىلارىمەن بەرىلەتىن جۇقپالى ۆيرۋس. جابىق عيمارات جانە ادامداردىڭ كوپتەپ جينالۋى ۆيرۋستىڭ تارالۋىنا قولايلى جاعداي جاسايدى.

انىقتالعان بۇزۋشىلىقتارعا بايلانىستى كافەنىڭ جۇمىسى توقتاتىلدى. تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ ماماندارى اكىمشىلىك قۇقىق بۇزۋشىلىق تۋرالى حاتتاما جاسادى، ءىس سوتقا جىبەرىلدى.
ەسكە سالساق، الماتى قالاسى اكىمىنىڭ تاپسىرماسى بويىنشا مونيتورينگ توپتارى كاسىپكەرلىك سۋبەكتىلەرىنىڭ سانيتارلىق تالاپتاردى ساقتاۋىن باقىلاۋ بويىنشا قارقىندى جۇمىستار جۇرگىزۋدە.

22-27 ماۋسىم ارالىعىندا مونيتورينگ توبى 479 شوك سۋبەكتىلەرىن قامتىدى. باس مەملەكەتتىك سانيتارلىق دارىگەردىڭ قاۋلىسىن بۇزۋشىلىقتار كەلەسى نىسانداردان انىقتالدى: «ازامات»، «قازىنا»، «داۋلەت» دۇكەندەرى، «Lanzhou»، «جاستار»، «قاراعايلى»، «الاتاۋ»، «شاعىن ماركەت»، «اقبوپە»، «Asqar»، «ايارۋ»، «ديالوگ» اسحانالارى»، «كوكونىس دۇكەنى، «اقجول» اۆتو بولشەكتەرى دۇكەنى، ۆۋلكانيزاسيا.

سونداي-اق ءتارتىپ بۇزعاندار تىزىمىنە: بايتەرەك مەيرامحانا كەشەنى، Sababa، «دارەدجاني»، Tomato، «حوروشيي گود»، Leo`s Cafe & Terrace، Frau Irma، «مياتا Platinum»، «تارحۋن»، Samal، «ياكور»، Friuli، KenRai، Lobby، «جۇلدىز»، Crudo، «شاح»، «پۋگاسوۆ»، Origano، «زولوتو»، «ۋ ستەفانيي»، Good-Beef Steak House، Sea Marinè، Velour، «دۋشيەۆنايا كۋحنيا شەف»، «Del Papa»، «الاشا»، «Park Hall»، «جايلاۋ». كافەلەر: «ءداستۇر»، «الاتاۋ سەنتر»، «افيشا»، «Cicek مانگال»، «تەپليسا»، «پەكينسكايا ۋتكا»، «ۆەتكافە»، «پۋبليكا»، «گوستي»، Go bar، «تامشى بۋلاك»، «ماملامبو»، ZEN، «زلاتو»، «التىن-اي»، «ۆوستوچنىي كۆارتال»، «كوفەينيا»، Excellent، Kalispera، Gloria Jean's Coffees، Urban Coffee، Honest، Mandarino، Eclair، Nautika، «ماسيسو»، «جان پلوۆ لاگمان»، Coffeedelia، Bisquit، «جازعى اۋلا»، «مانساردا»، «ستولوۆايا syrmaq»، «كەرەمەت»، «پروۆانس»، پەردەشە سالونى، جك «مامايەۆا»، «چەركاش» كىردى.

اتالعان وبەكتىلەردە كەلەسى ءتارتىپ بۇزۋشىلىقتار انىقتالدى:

 

- الەۋمەتتىك قاشىقتىق بەلگىلەرىنىڭ بولماۋى؛
- بايلانىسسىز تەرمومەتريانى ساقتاماۋ؛
- جەكە قورعانۋ قۇرالدارىن تيىسىنشە پايدالانباۋ جانە كادەگە جاراتۋ؛
ەسەپكە الۋ جۋرنالىنىڭ بولماۋى؛
سانيتايزەرلەردىڭ بولماۋى؛
- پاۆيلوندارعا كىرە بەرىستە دەزينفەكسيالاۋ كىلەمشەلەرىنىڭ بولماۋى؛
- پايدالانىلعان ماسكالار مەن قولعاپتار ءۇشىن قوقىس جاشىگىنىڭ بولماۋى؛
- ازىق-تۇلىك دۇكەندەرىندە ونىمدەردە قورعاۋ پلەنكالارىنىڭ بولماۋى.