جۇڭگو بيلىگى بەيجىڭ قالاسىنا جاقىن ماڭداعى 400 مىڭ تۇرعىندى كارانتينگە جاپتى. كوروناۆيرۋستىق شەكتەۋلەر جۇڭگو استاناسىنا جاقىن ورنالاسقان حەبەي پروۆينسياسىنىڭ انسين ۋەزىندە كۇشىنە ەنگەن. بۇل تۋرالى قامشى ءتىلشىسى BBC-گە سىلتەمە جاساپ حابارلايدى. 

BBC-دىڭ اقپاراتىنشا، جۇڭگو شەنەۋنىكتەرى جەكسەنبى كۇنى ءانسيندى «تولىقتاي قورشاپ، باقىلاۋعا الاتىنىن» مالىمدەگەن. تەك قاجەتتى جۇمىسشىلارعا ۇيلەرىنەن شىعۋعا رۇقسات ەتىلگەن، ءار وتباسىنىڭ ءبىر مۇشەسىنە كۇنىنە ءبىر رەت قاجەتتىلىكتەر ءۇشىن دۇكەنگە شىعۋعا رۇقسات بەرىلگەن.

تۇرعىلىقتى ەمەس تۇرعىندارعا عيماراتتارعا، قاۋىمداستىقتارعا نەمەسە اۋىلدارعا كىرۋگە تىيىم سالىنعان. بيلىك ەرەجەنى بۇزعان كەز كەلگەن ادامدى پوليسيا جازالايتىنىن ەسكەرتتى.

انسين پەكيننىڭ وڭتۇستىگىندە 150 كم قاشىقتىقتا ورنالاسقان. اۋدان قىتايدىڭ ءىرى قالالىق ورتالىقتارىمەن جاقىن ورنالاسپاعان، سوندىقتان جەرگىلىكتى دەنساۋلىق ساقتاۋ ماماندارى ۆيرۋستىڭ تارالۋىن توقتاتۋعا بولادى دەگەن وپتيميستىك پىكىردە.