جامبىل وبلىسى جۋالى اۋدانى ورتالىق اۋرۋحاناسىنا قاراستى ەمحانا قىزمەتكەرى فاريدا جانباتىروۆا پرەزيدەنت قاسىم-جومارت توقايەۆقا ۆيدەوۇندەۋ جولدادى.
فاريدا قاناتبەك قىزى كارانتين كەزىندە ىندەتتىڭ الدىن الۋ شارالارىنا بايلانىستى ءبىرىنشى بەكەتتە رەنتگەن لابورانت بولىپ جۇمىس ىستەگەن. ونىڭ سوزىنشە، باسشىلار ۇكىمەتتەن بەرىلگەن قارجىنى قايتارۋىن تالاپ ەتكەن.
"قازاقستان رەسپۋبليكاسىنىڭ پرەزيدەنتى قاسىم-جومارت توقايەۆقا!
مەن جانباتىروۆا فاريدا قاناتبەك قىزى 1995 جىلدان باستاپ جۋالى اۋدانى ورتالىق اۋرۋحاناسىنا قاراستى ەمحانادا رەنتگەن لابورانت بولىپ قىزمەت اتقارامىن. 2020 جىلدىڭ ءساۋىر ايىنان باستاپ اۋرۋحاناعا كىرەبەرىس جەردەگى ءبىرىنشى بەكەتتە تاڭعى ساعات 07:30-دان كەشكى 17:30-عا دەيىن جۇمىس ىستەدىم. ءساۋىر ايىندا ەسەپشوتىمىزعا ايلىعىمىزعا قوسىمشا رەتىندە ۇكىمەتتەن 160 مىڭ تەڭگە ءتۇستى. وعان كوپ-كوپ راقمەت ايتامىن. ەندى ءبىزدىڭ ەمحانا باسشىلارى وسى 160 مىڭ تەڭگەنىڭ 39 مىڭ تەڭگەسىن قايتارۋىمىزدى تالاپ ەتتى. نەگە دەپ سۇراعانىمدا "جوعارىداعى باسشىلاردىڭ تالابى، سولارعا قايتارىپ بەرەمىز" دەدى. بەكەتتە وتىرعان بارلىق قىزمەتكەردەن اقشانى تولىق جيناپ الدى. مەندە سول اقشانى ءوز قولىممەن اپارىپ بەرۋگە ءماجبۇر بولدىم" دەلىنگەن ۆيدەوۇندەۋدە.
ماسەلە بويىنشا قامشى ءتىلشىسى جامبىل وبلىسى دەنساۋلىق ساقتاۋ باسقارماسىنا حابارلاسقانىندا، باسقارماداعىلار ەشقانداي اقپارات بەرە المايتىنىن، اتالعان دەرەك بويىنشا سىبايلاس جەمقورلىققا قارسى كۇرەس باسقارماسىمەن بىرىگىپ ارنايى كوميسسيا قۇرىلعانىنىن ايتتى. وقيعانىڭ ءمان-جايى كوميسسيا تەكسەرىسىنىڭ قورىتىندىسى بويىنشا مالىمدەلەتىنىن جەتكىزدى.
پىكىر قالدىرۋ