قازاقستاندىق حوككەيشى بۇلبۇل قارتانبايەۆا اقش-تاعى "Princeton Tiger Lilies" دەپ اتالاتىن ايەلدەر حوككەي كلۋبىنىڭ باس باپكەرى بولىپ تاعايىندالدى. بۇل اقپاراتتى قازاقستانداعى اقش-تىڭ ەلشىلىگى حابارلادى.
"قازاقستاندىق بۇلبۇل قارتانبايەۆانى قۇتتىقتايمىز. بۇگىن ول امەريكانىڭ نيۋ-دجەرسي شتاتىنداعى "Princeton Tiger Lilies" حوككەي كلۋبىنىڭ باس باپكەرى قىزمەتىنە كىرىستى" دەپ جازدى ەلشىلىك Instagram پاراقشاسىندا.
بۇلبۇل قارتانبايەۆا حوككەي سپورتىنداعى ەڭ تانىمال ليگا، ءۇحل-نىڭ (ۇلتتىق حوككەي ليگاسى) ايەلدەر ليگاسىنىڭ تاريحىنداعى ءبىرىنشى قازاقستاندىق سپورتشى. ول وتكەن جىلى امەريكالىق "مەتروپوليتەن ريۆەتەرس" (رەد. ءقازىر نيۋ-يورك ريۆەتەرس) كلۋبىمەن كەلىسىمشارتقا وتىرعان بولاتىن.
قارتانبايەۆا قازاقستاندا – "توميريس" حوككەي كلۋبىندا ويناعان، 2011 جىلدان بەرى ۇلتتىق قۇراما مۇشەسى.
پىكىر قالدىرۋ