– ءاربىر ءپان بويىنشا ۇيگە رەپەتيتور جالداپ، كۇنىنە ەكى-ۇش ساعاتتان دايىندالۋعا تۋرا كەلدى. ولار ماعان كوپ كومەكتەستى. مەنىڭ ويىمشا، جاقسى ناتيجەگە قول جەتكىزۋ ءۇشىن رەپەتيتورمەن جەكە جۇمىس ىستەگەن دۇرىس. ارينە، اتا-انام مەن ۇستازدارىما دا كوپ قولداۋ كورسەتكەنى ءۇشىن العىس ايتقىم كەلەدى، – دەدى ايدوس.

بولاشاق ستۋدەنتتىڭ ەندىگى  جوسپارى –   جوعارى  اسكەري وقۋ ورنىنا ءتۇسۋ ءۇشىن نورماتيۆتەر مەن قۇجاتتارىن دايىنداۋ. 

–  مەن شەكارا قىزمەتىن تاڭدادىم. بۇل –  وتە تاماشا ماماندىق دەپ ويلايمىن. جالپى تەست تاپسىرۋ كەزىندە تەلەفون نەمەسە شپارگالكا الىپ كىرۋ قيىن، ال ءوتىپ كەتكەن كۇننىڭ وزىندە ونى قولدانۋ مۇمكىن بولمايدى. سوندىقتان مەن  ءوز بىلىمىمە سەنۋگە تىرىستىم، –  دەيدى ول.

2020 جىلعى 23-30 ماۋسىم ارالىعىندا پاۆلودار قالاسىنىڭ 37 جالپى ءبىلىم بەرۋ مەكتەپتەرىنىڭ 933 (81%) تۇلەگى ۇبت-عا قاتىسقان. ونىڭ 378ء-ى تەستتى قازاق تىلىندە تاپسىرعان.

اقبوتا سەيسەنبايەۆا