قازاقستاننىڭ بارلىق وڭىرلەرىنە قوسىمشا كوروناۆيرۋس جۇقتىرعان ناۋقاستار ءۇشىن توسەك ورىن قاجەت. بۇل تۋرالى دەنساۋلىق ساقتاۋ ءمينيسترى الەكسەي سوي مالىمدەدى.
ونلاين بريفينگ كەزىندە مينيستردەن قازىرگى ۋاقىتتا شيپاجايلار مەن سپورت مەكەمەلەرى قولدانىسقا بەرىلىپ جاتسا، ەلوردا مەن الماتىدا جۇقپالى اۋرۋلارعا ارنالعان ەمحانالاردىڭ سوعىلۋى قانشالىقتى قاجەت ەكەنى تۋرالى سۇرالدى.
– قاجەتتىلىك تۋىنداۋى مىندەتتى تۇردە بولادى، سەبەبى بارلىق ورىندار تولعان، بارلىق وڭىرلەرىدە قوسىمشا توسەك ورىن قاجەت. سونىڭ ىشىندە جاڭا اۋرۋحانا سالىنعان قالالار دا بار. ول جەردە ءقازىر ورىن بولماعاندىقتان ءبىز باسقا دا مەديسينالىق مەكەمەلەردەن جاڭا توسەك ورىندار دايىنداپ جاتىرمىز، – دەدى الەكسەي سوي بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
پىكىر قالدىرۋ