ق ر پرەمەر-مينيسترىنىڭ ورىنباسارى ەرالى توعجانوۆ ەلدە كارانتين شارالارىن ەسكەرمەي، ءالى كۇنگە دەيىن توي جاسايتىنداردى سىنادى.

– الەم بويىنشا بۇل ىندەتتى 10 ملن ادام جۇقتىرىپ، 500 مىڭنان استامى قايتىس بولسا دا، ءبىزدىڭ ەل تىعىلىپ توي-تويلاپ، بەتپەردە كيۋدى ءالى دە ۇيات سانايتىندار جوق ەمەس. ماسەلەن، امبارلارعا تىعىلىپ توي جاساۋ، ارتقى ەسىكتەن كىرىپ قىز ۇزاتۋ، اۋلادا توي جاساۋ، قۇدالىق وتكىزۋ، اس بەرۋ، تۋعان كۇن تويلاۋ سياقتى تاعى باسقالارى تولىپ جاتىر. وعان وزدەرىڭىز دە كۋاسىزدەر. وسىنداي ءار شارانىڭ سوڭىندا كەمىندە جيىرمادان استام ادامنىڭ اۋرۋحاناعا ءتۇسىپ، كوز جۇمىپ جاتقانى ءمالىم، – دەدى ە. توعجانوۆ.

ول ءوز سوزىندە ەلدەگى كۇردەلى احۋالدان شىعۋ ءۇشىن ءار ادام جاۋاپكەرشىلىك تانىتۋى قاجەت ەكەنىن اتاپ ايتتى. 

ايتا كەتەيىك، مەملەكەتتىك كوميسسيا 2020 جىلدىڭ 5 شىلدەسىنەن باستاپ 14 كۇنگە كەلەسى شەكتەۋ شارالارىن ەنگىزۋ تۋرالى شەشىم قابىلداعان بولاتىن.

سونىمەن قاتار ەرالى توعجانوۆ ەلدە قالالار اراسىندا بلوكبەكەتتەر بولمايتىنىن ورتالىق كوممۋنيكاسيالار قىزمەتىندە وتكەن ونلاين باسپا ءسوز ءماسليحاتىندا ايتتى.