حالىققا قىزمەت كورسەتۋ ورتالىقتارىنىڭ جابىلۋى تۋرالى جالعان اقپاراتتىڭ تارالۋىنا بايلانىستى، قىزمەت الۋعا جۇگىنەتىن ازاماتتاردىڭ سانى كۇرت وسكەن. ورتالىق ازاماتتاردى دۇربەلەڭگە بەرىلمەۋگە شاقىرادى. ۆەدومستۆوارالىق كوميسسيانىڭ شەشىمىمەن حقو-لار شەكتەۋ شارالارى ەنگىزىلگەننەن كەيىن دە سانيتارلىق جانە دەزينفەكسيالىق تالاپتاردى ساقتاي وتىرىپ، ءوز جۇمىسىن جالعاستىرادى.
"قولايسىز ەپيدەميولوگيالىق جاعدايدى ەسكەرە وتىرىپ، حالىققا قىزمەت كورسەتۋ ورتالىقتارىندا قورعانىس شارالارى قابىلدانىپ، فرونت-وفيس عيماراتتارىندا ازاماتتاردىڭ جينالۋىن بولدىرماۋعا باعىتتالعان جۇمىستار قولعا الىنعان.
بۇگىندە وبلىس ورتالىقتارىنىڭ، رەسپۋبليكالىق ماڭىزى بار قالالاردىڭ جانە كەيبىر اۋدان حقو-لارىندا قىزمەتتەردى تەك الدىن الا برون جاساۋ ارقىلى عانا الۋعا بولادى. مۇنى egov.kz پورتالى، eGovKzBot2.0 تەلەگرام-بوتىنىڭ كومەگىمەن نەمەسە 1414 قىسقا نومىرىنە قوڭىراۋ شالۋ ارقىلى جاساۋعا بولادى.
حالىققا قىزمەت كورسەتۋ ورتالىقتارىندا ەلەكتروندى ۇكىمەت پورتالىندا قولجەتىمسىز، تەك "قاعاز" قىزمەتتەر (100-دەن استام قىزمەت) كورسەتىلەدى.
مۇنىڭ ءبارى ازاماتتاردىڭ كوپتەپ جينالۋىن بولدىرماۋعا جانە ۆيرۋس جۇقتىرۋ ءقاۋپىن ازايتۋعا باعىتتالعان" دەلىنگەن حقو باسپا ءسوز قىزمەتى تاراتقان اقپاراتتا.
ورتالىق باسشىلىعى حقو-عا بارۋدان باس تارتۋعا جانە بالاما ادىستەردى قولدانا وتىرىپ، قىزمەتتەردى ونلاين الۋعا كەڭەس بەرەدى.
و جۇمىس كەستەسى:
پىكىر قالدىرۋ