شقو اكىمى دانيال احمەتوۆ 5 شىلدەدەن باستاپ وبلىستاعى ەكى ءىرى قالانىڭ كارانتينگە جابىلاتىنىن مالىمدەدى. بۇل تۋرالى ول ءىnstagram پاراقشاسىندا جازدى.

اكىمنىڭ ايتۋىنشا، وبلىس كەز كەلگەن جاعدايعا دايىن. 1700 ينفەكسيالىق، 2500 پروۆيزورلىق جانە كارانتيندىك ورىندار، قارقىندى تەراپيا پالاتاسى دايىندالدى. وعان قوسا ايماقتا ادامدار جەدەل مەديسينالىق كومەك الا المايتىن ەلدىمەكەن جوق. مەديسينالىق مەكەمەلەر مەن اتقارۋشى بيلىكتىڭ ءوزارا ارەكەت ەتۋ الگوريتمدەرى جاسالىپ، بەكىتىلگەن.

– جاعىمسىز جايت بولماس ءۇشىن ءبىز 5 شىلدەدەن باستاپ وسكەمەن جانە سەمەي قالالارىن جابامىز، ادامدار مەن كولىكتەردىڭ قالا مەن اۋدان اراسىندا ءجۇرىپ-تۇرۋىن شەكتەيمىز. وسىنىڭ بارلىعى – كوروناۆيرۋس ينفەكسياسى تارالماس ءۇشىن جاسالىپ وتىرعان شارالار. سوVID-19 كۇرەستە ءوزىن-وزى وقشاۋلاۋ ءتاسىلى ءتيىمدى ەكەنى دالەلدەندى. كارانتين كەزىندە وبلىستا جالپى ۆيرۋس جۇقتىرعاندار سانى 135 بولاتىن. ماۋسىم ىشىندە بۇل كورسەتكىش 710-عا دەيىن ارتىپ، ءالى دە ءوسىپ جاتىر، – دەدى د.احمەتوۆ.

وسىلايشا ول وسى جەكسەنبىدەن باستاپ قوزعالىستى شەكتەۋ ماڭىزدى ەكەنىن اتاپ ايتتى.

– ءبىز بايلانىسقان ادامدار ءتىزىمىن ءۇزۋىمىز كەرەك. بۇل وتە قاجەت! وسى جاعدايعا نەعۇرلىم جاۋاپكەرشىلىكپەن قاراساق، سوعۇرلىم قالىپتى ومىرگە تەزىرەك ورالامىز. مەكەمەلەر، ازىق-تۇلىك دۇكەندەرى، ءدارىحانالار، بانكتەر، حقو (قىسقارعان كەستەمەن) جۇمىسىن جالعاستىرادى. ءبىز ەنگىزىلگەن كارانتين شارالارى كاسىپكەرلەرگە زيانىن تيگىزبەس ءۇشىن تىرىسىپ جاتىرمىز. تاعى دا شەكتەۋلەرگە تۇسىنىستىكپەن قاراۋلارىڭىزدى سۇرايمىز. ەۋروپا ەلدەرىندە ادامدار اۋەلدە شەكتەۋ شارالارىنا مويىنسۇنباعاندا قانداي جاعداي بولعانى ءبارىمىزدىڭ ەسىمىزدە، – دەپ اتاپ ءوتتى اكىم.

ونىڭ ايتۋىنشا، ادامدار ءوز قاۋىپسىزدىگى ءۇشىن كەم دەگەندە الەۋمەتتىك قاشىقتىقتى ساقتاپ، ءوزىن-وزى وقشاۋلاپ، ماسكا تاعىپ ءجۇرۋى كەرەك.

– ءبىز دە ايماقتاعى اۋرۋحانالاردى قاجەتتى تەحنيكامەن جانە دارى-دارمەكپەن، ال دارىگەرلەردى قورعانىس قۇرالدارىمەن قامتاماسىز ەتۋ ءۇشىن بارىمىزدى سالدىق. قازىرگى ءبىزدىڭ ورتاق مىندەتىمىز – شەكتەۋ شارالارىن ساقتاپ، ۆيرۋستىڭ تارالۋىنا جول بەرمەۋ، – دەپ ءسوزىن تۇيىندەدى وبلىس اكىمى. ⠀