بەلگىلى كاسىپكەر قايرات قۇدايبەرگەن Instagram جەلىسىندە دەنساۋلىق ساقتاۋ ءمينيسترى الەكسەي سويعا ءدارىحانالارداعى ءدارى تاپشىلىعىن ايتىپ جازبا قالدىردى.
"الەكسەي سوي دەنساۋلىق ساقتاۋ ءمينيسترى بولىپ تاعايىندالعاننان بەرى ۆەدومستۆادا قوزعالىس باستالدى. ساندارى بار پرەزەنتاسيا كورسەتىلدى، كورونوۆيرۋس بەلگىلەرى بار جانە جوق ادامدار بىرىكتىرىلدى، پرەزيدەنتكە كورونوۆيرۋس جاعدايىندا قولداناتىن شارالار تۋرالى مالىمدەلدى تاعى.. وسىمەن بولدى.
بىرنەشە كۇن بۇرىن سوي حالىق دۇربەلەڭدى قولدان جاساپ وتىر (مۇنداي فاكت ءىس جۇزىندە بار، ءبىراق ونداي ماسشتابتا ەمەس)، ال دارىلەردىڭ بارلىق ءتۇرى بار دەگەن مالىمدەمە جاسادى. بىزدە ءدارى جەتكىلىكتى، ءبىراق بارلىعىن ساتىپ الىپ كەتىپ جاتىر ەكەن.
مينيستر مىرزا، مەن كەي جەردە سىزبەن كەلىسەمىن، ءبىراق ۇلكەن مالىمدەمە جاساماي تۇرىپ الدىمەن ۆيسە-مينيستر جانە كومەكشىلەرىڭىزبەن كەڭەسىپ الىڭىز دا جەرگە ءتۇسىڭىز. سودان سوڭ "مينيسترلىك ۇيىنە" جاقىن تۇرعان ءدارىحاناعا بارىپ كەز كەلگەن ازاماتتىڭ ءوزىڭىز ايتپاقشى قازاقستاندا 20 ءتۇرى بار "پاراسەتامول" ءدارىسىن قالاي ساتىپ الىپ تۇرعانىن كورىڭىز.
مەنىڭ جاقىندارىم ماعان ءدارى الۋ ءۇشىن ءدارىحانالار الدىندا ءارتۇرلى كەزەكتە جەتى ساعات تۇرعان، سەبەبى مەن جاتقان اۋرۋحانادا دا قاجەتتى دارىلەردىڭ بارلىعى بولمادى (دارىگەلەرگە راقمەت، سىزدەر پاتريوتسىزدار!)
مىنە، قاراپايىم حالىق كۇندە بەتپە-بەت كەلەتىن ناعىز شىندىق وسى. ساعاتتاپ تۇراتىن كەزەكتەر مەن كەرەكتى دارىلەردىڭ جوقتىعى.
اۋرۋحانا الدىنداعى كەزەكتەر مەن اۋرۋحانا الدىندا ادامداردىڭ قالاي قايتىس بولىپ جاتقان تۋرالى ءوزىڭىز دە حاباردارسىز. سىزدەردىڭ كەشەندى ورىستەرىڭىز قايدا؟ مەن دە باسقالار سەكىلدى تەك سىزدەردىڭ شىمكەنت قالاسىنىڭ سپورت كەشەنىندەگى ماسقارا توسەك ورىندارىڭىزدى كوردىم.
سۇراق كوپ، جاۋاپ جوق. رەسەي مەن قىتايدان كەلەتىن كومەك قالاي بولسا سولاي ەمەس رەتىمەن بولىنەدى دەگەن ويدامىن.
"قىمباتتى" دەنساۋلىق ساقتاۋ مينيسترلىگى، ويانىڭىزدار دا قاراپايىم دارىگەرلەردىڭ ايتقاندارىنا قۇلاق اسىڭىزدار. ولاردىڭ قاجەتتىلىكتەرىن ورىنداڭىزدار، حالىقتىڭ ايتقانىن تىڭداڭىزدار دا قاراپايىم دارىلەرمەن قامتاماسىز ەتىڭىزدەر، سودان كەيىن بارىپ "ءبىز الەمدەگى كەرەمەت مەملەكەتپىز، باسقا ەلدەر بىزگە قىزىعا قارايدى" دەپ سوسىن ايتاتىن بولامىز" دەلىنگەن كاسىپكەر جازباسىندا.
بۇعان دەيىن الماتى قالاسى ءدارىحانالارىنداعى ءدارى تاپشىلىعى تۋرالى ۆيدەورەپورتاج دايىنداعان بولاتىنبىز: الماتى ءدارىحانالارىنداعى دۇربەلەڭ. پاراسەتامول، اسپيرين تاپشى (ۆيدەورەپورتاج)
پىكىر قالدىرۋ