دۇنيەجۇزىلىك دەنساۋلىق ساقتاۋ ۇيىمىنىڭ 4 شىلدەدەگى دەرەگىنە ساي، الەم ەلدەرىندە كوروناۆيرۋس جۇقتىرعاندار سانى 11 ميلليونان اسىپ كەتتى. COVID-19-دان ولگەندەر سانى – 529 197 ادام. 

جۇقتىرعاندار جونىنەن دە، ءولىم فاكتىسى بويىنشا دا اقش كوش باسىندا تۇر. بۇل ەلدە 2 890 588 ادام ىندەتكە شالدىققان، 132 101 ادام كوز جۇمعان. ەكىنشى ورىندا تۇرعان برازيليادا كوروناۆيرۋستى 1 543 341 ادام جۇقتىرىپ، ولاردىڭ 63 254ء-ى ولگەن.

ءۇشىنشى، ءتورتىنشى ورىندا تۇرعان رەسەي مەن ءۇندىستاندا ىندەتكە شالدىققاندار سانى 600 مىڭنىڭ ۇستىندە. ءبىراق بۇل ەكى ەلدە دە ولگەندەر سانى 20 مىڭعا جەتپەيدى. رەسەيدە – 9859 ادام، ءۇندىستاندا – 18699 ادام كوز جۇمعان. 

يسپانيا، پەرۋ، چيلي، ۇلىبريتانيا، مەكسيكا، يتاليا، يران، پاكىستان، تۇركيا، ساۋد ارابيا سىندى 10 مەملەكەتتە كوروناۆيرۋس جۇقتىرعاندار سانى 200 مىڭنىڭ ۇستىندە. ال گەرمانيا، وڭتۇستىك امەريكا، فرانسيا، بانگلادەش، كولۋمبيا، كانادا سياقتى 6 ەلدە ۆيرۋس جۇقتىرعاندار سانى 100 مىڭنان اسقان.

وتكەن تاۋلىكتە 1644 ادامىنان ۆيرۋس تابىلعان قازاقستان دۇنيەجۇزىلىك ستاتيستيكادا ءبىر ساتى جوعارىلاپ، 35ء-ى ورىندا تۇر. ءقازىر ەلدە COVID-19-دى جۇقتىرعاندار سانى 45 مىڭنان استى. ال قازاقستاننان ءبىر ورىن جوعارى تۇرعان ۋكرايندا 46 763 ادام ىندەتكە شالدىققان.