قازاقستان سەناتىنىڭ ەكس-سپيكەرى داريعا نازارباۆا ەل استاناسىنداعى "قامقورلىق" كوۆوركينگ ورتالىعىنىڭ جۇمىسىمەن تانىسىپ ءجۇر. بۇل اقپاراتتى نۇرسۇلتان نازاربايەۆ قورىنىڭ باسپا ءسوز قىزمەتى حابارلادى.
ءقازىر داريعا نازاربايەۆا – قازاقستاندى 30 جىلعا جۋىق ۇزدىكسىز بيلەگەن ءوزىنىڭ اكەسى نۇرسۇلتان نازاربايەۆ اتىنداعى ءدال وسى قوردىڭ ديرەكتورى.
قور باسپا ءسوز قىزمەتى تاراتقان حابارلاماعا قاراعاندا، نازاربايەۆا بارعان كوۆوركينگ ورتالىقتا كوپبالالى، جالعىز باستى انالار، ەرەكشە كۇتىمدى قاجەت ەتەتىن بالالاردى تاربيەلەيتىن ايەلدەر، از قامتىلعان ازاماتتار جانە اۋىر تۇرمىستىق جاعدايدا ءومىر سۇرەتىن بالالار، مۇگەدەكتەر وقىتىلادى.
ورتالىق قىزمەتى نۇر-سۇلتان قالاسىنىڭ اكىمدىگى مەن نۇرسۇلتان نازاربايەۆ قورىنىڭ بىرلەسۋىمەن ىسكە قوسىلعان.
ال داريعا نازاربايەۆا ورتالىقتىڭ ماتەريالدىق-تەحنيكالىق بازاسىمەن تانىسىپ، كابينەتتەردى قاراپ شىققان.
داريعا نازاربايەۆا مامىر ايىندا سەنات ءتوراعالىعىنان كەتكەلى بەرى ەشقانداي قىزمەتكە تاعايىندالعان جوق. ماۋسىم ايىنىڭ سوڭىندا الەۋمەتتىك جەلىدە ونىڭ بىرنەشە اداممەن بىرگە بەلگىسىز ياحتادا اندەتىپ، بيلەپ جۇرگەن ۆيدەوسى تاراعان.
پىكىر قالدىرۋ