ءۇندىستاننىڭ پرەمەر-مينيسترى نارەندرا مودي جۇڭگو اسكەرلەرىمەن توبەلەس كەزىندە قازا تاپقان ساربازدارعا قۇرمەت كورسەتىپ شەكارا ايماعىنداعى لاداح ايماعىنا باردى. بۇل تۋرالى قامشى ءتىلشىسى ءال-جازيرا تەلەارناسىنا سىلتەمە جاساپ حابارلايدى. 

– ەكسپانسيونيزم ءداۋىرى اياقتالدى، بۇل دامۋ عاسىرى. تاريح ەكسپانسيونيستىك كۇشتەردىڭ جوعالعانىن نەمەسە كەرى بۇرىلۋعا ءماجبۇر بولعانىن كۋالاندىرادى، – دەدى مودي داۋلى ايماققا جاساعان العاشقى ساپارى كەزىندە. قىتايمەن شەكارالاساتىن لاحاد ايماعىندا كەمىندە 20 ءۇندىستاندىق سولدات قازا تاپقان. ءبىراق ولاردىڭ اتى-جوندەرى اتالمادى.

ءۇندىستاننىڭ  پرەمەر-مينيسترى لاداح ايماعىنىڭ بازاسىنداعى اسكەرلەرمەن كەزدەسكەن.

– سىزدەردىڭ باتىلدىقتارىڭىز بارىنەن جوعارى. سىزدەر جانە سىزدەردىڭ وتانداستارىڭىز كورسەتكەن ەرلىك الەمگە ءۇندىستاننىڭ كۇشىن كورسەتتى، – دەگەن ول لاداحتاعى ساربازدارعا ارناعان سوزىندە.

ءموديدى ءۇندىستان قورعانىس شتابىنىڭ باستىعى گەنەرال بيپين راۆات جانە ارميا باستىعى گەنەرال مانوج مۋكۋند ناراۆانە ەرتىپ جۇرگەن.

ءۇندىستان مەن جۇڭگو ساربازدارى 15 ماۋسىمدا گالۆان اڭعارىندا قاقتىعىسقان. ناتيجەسىندە 20 ءۇندىستاندىق اسكەري قازا تاۋىپ، كەم دەگەندە 76 ادام جارالانعان.

بۇل شامامەن سوڭعى 50 جىلداعى ەڭ اۋىر شەكارالىق قاقتىعىس دەپ سيپاتتالۋدا.