بۇگىن، 6 شىلدەدە گرۋزيا استاناسى تبيليسيدەن الماتىعا وكپەنى جاساندى جەلدەتۋ اپپاراتتارى جىبەرىلدى. بۇل تۋرالى قازاقستان سىرتقى ىستەر مينيسترلىگىنىڭ باسپا ءسوز قىزمەتى حابارلادى.
مينيسترلىك سايتىندا جاريالانعان اقپاراتقا قاراعاندا، وكپەنى جاساندى جەلدەتەتىن 10 اپپاراتتى گۋمانيتارلىق كومەك رەتىندە "گرۋزيانىڭ يندۋستريالىق توبى" ديرەكتورلار كەڭەسىنىڭ ءتوراعاسى داۆيد بەجۋاشۆيلي جىبەرگەن.
"بۇل اپپاراتتار نۇر-سۇلتان قالاسىنداعى مەديسينالىق مەكەمەلەرگە تاراتىلادى. قازاقستان ءسىم دوستاس گرۋزيا حالقىنا، "گرۋزيا يندۋستريالىق توبىنىڭ" باسشىسى داۆيد بەجۋاشۆيليگە كوروناۆيرۋس پاندەمياسىمەن كۇرەستە كورسەتكەن قولداۋى ءۇشىن العىسىن بىلدىرەدى" دەلىنگەن ءسىم-نىڭ حابارلاماسىندا.
پىكىر قالدىرۋ