«Nur Otan» پارتياسىنىڭ ورتالىق اپپاراتىندا مەملەكەت باسشىسى قاسىم-جومارت توقايەۆ تاعايىنداعان «حالىق العىسى» ارنايى مەدالىمەن «Biz Birgemiz» جالپى رەسپۋبليكالىق اكسياسىنىڭ ەڭ بەلسەندى ۆولونتەرلارى ماراپاتتالدى. بۇدان بۇرىن 3 مىڭنان استام جاس قازاقستاندىق پارتيا ليدەرى نۇرسۇلتان نازاربايەۆ قول قويعان العىس حاتتارعا يە بولعان ەدى.

سالتاناتتى شارا بارىسىندا «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك سوڭعى بىرنەشە ايدا نۇرسۇلتان نازاربايەۆتىڭ باستاماسى بويىنشا قۇرىلعان «Birgemiz» قورى ەلباسىنىڭ تاپسىرماسىمەن 550 مىڭنان استام اسا مۇقتاج وتباسى تىكەلەي قارجىلىق كومەكپەن قامتىلعانىن اتاپ ءوتتى. 5 ميلليوننان استام تەگىن ماسكا تاراتىلدى. «Nur Otan» پارتياسى مەن تۇڭعىش پرەزيدەنت قورى جەلىسى بويىنشا 300 مىڭداي وتباسى ازىق-تۇلىك سەبەتتەرى مەن ءبىرىنشى كەزەكتە قاجەتتى تاۋارلاردى الدى. ونىڭ ايتۋىنشا، وسىناۋ اۋقىمدى جۇمىستى ۆولونتەرلاردىڭ كومەگىنسىز اتقارۋ مۇمكىن ەمەس ەدى.

«بۇگىن ماعان مەملەكەت باسشىسى قاسىم-جومارت كەمەل ۇلى توقايەۆتىڭ اتىنان سىزدەرگە «حالىق العىسى» ارنايى مەدالىن تاپسىرۋ ابىرويلى مىندەتى بۇيىرىپ وتىر. سىزدەر بىرنەشە اي بويى ءوز ومىرلەرىڭىز بەن دەنساۋلىقتارىڭىزعا تونەتىن قاۋىپكە قاراماستان، مۇقتاج قازاقستاندىقتارعا بارىنشا كومەك كورسەتتىڭىزدەر. تۇركىستان وبلىسىنىڭ ماقتاارال اۋدانىنداعى سۋ باسقان اۋىل تۇرعىندارىنا دا كومەك بەرۋگە العاشقىلاردىڭ ءبىرى بولىپ اتتاندىڭىزدار. ازاماتتىق بەلسەندىلىكتەرىڭىز بەن اق نيەتتەرىڭىز ءۇشىن سىزدەرگە العىس ايتامىن. سىزدەردىڭ كوپشىلىگىڭىز پارتياىشىلىك ىرىكتەۋ – پرايمەريزگە دە قىزۋ قاتىساتىندىقتارىڭىزعا سەنىمدىمىن»، - دەدى ول.

ۆولونتەرلارعا مەملەكەت باسشىسىنىڭ اتىنان تاعايىندالعان مەدالدارمەن بىرگە تۇڭعىش پرەزيدەنت – ەلباسى نۇرسۇلتان نازاربايەۆتىڭ قولى مەن سۋرەتى بەينەلەنگەن فۋتبولكالار دا بەرىلدى.