ەلوردا كۇنىنە وراي الماتى قالاسىندا #ILOVENURSULTAN حەشتەگىمەن فوتو- جانە ۆيدەو ماتەريالدار ونلاين-بايقاۋى ءوز باستاۋىن الدى. الماتى قالاسى وقۋشىلارىنىڭ اراسىندا ءوتىپ جاتقان بايقاۋدا، وقۋشىلار وزدەرىنىڭ الەۋمەتتىك جەلىلەردەگى جەكە پاراقشالارىندا ەلوردانىڭ اسەم عيماراتتارىمەن بىرگە تۇسكەن سۋرەتتەرىمەن ءبولىسىپ، استانانى ولەڭ شۇماقتار، ءان جانە ىزگى تىلەكتەرمەن قۇتتىقتاۋدا.
سونىمەن بىرگە، بايقاۋعا اتاۋلى مەرەكەمەن تۋعان كۇندەرى تۇسپا-تۇس كەلەتىن وقۋشىلار بەلسەندى تۇردە قاتىسۋدا. ولار ءۇشىن بۇل مەرەكە ەرەكشە مانگە يە ەكەنىن تىلگە تيەك ەتىپ ايتىپ جاتقاندارىنا كۋا بولۋعا بولادى.
اشىق ەلەكتروندى داۋىس بەرۋ ارقىلى انىقتالاتىن بايقاۋ جەڭىمپازدارى ءۇشىن ۇيىمداستىرۋشىلارمەن قۇندى سىيلىقتار دايىندالعان. بايقاۋ قورىتىندىلارى جايلى، سونداي-اق بارلىق قاجەتتى اقپاراتتى مىنا سىلتەمە ارقىلى ءوتىپ الۋعا بولادى.
پىكىر قالدىرۋ