استانا كۇنىن مەرەكەلەۋ قارساڭىندا الماتىدا ءبىرقاتار نىساندار ىسكە قوسىلادى. ولاردىڭ اراسىندا جايلى، جوعارى تەحنولوگيالىق «ميپو» ج ش س مەديسينالىق ورتالىعى بار.

بۇگىنگى تاڭدا ەپيدەميولوگيالىق جاعدايدى تۇراقتاندىرۋ ماقساتىندا قالا اكىمشىلىگى تاراپىنان تۇرعىندارعا جاقىن ماڭدا ورنالاسقان مەديسينالىق قىزمەت كورسەتۋ بويىنشا قارقىندى جۇمىستار جۇرگىزىلۋدە. «ميپو» مەديسينالىق ورتالىعى 100 كەلۋشىگە ارنالعان، سونىمەن قاتار وڭالتۋعا ارنالعان 40 ورىن بار. ورتالىقتا 80 مەديسينا قىزمەتكەرى جۇمىس ىستەيدى، ولاردىڭ جۇمىستارىنا قاجەتتى جاعدايلار جاسالعان.

سوڭعى بەس جىلدا الماتىداعى امبۋلاتوريالىق-ەمحانالىق ۇيىمداردىڭ جوسپارلى دامۋ قۋاتتىلىعى 7،4% ارتتى. سونىمەن بىرگە، قالا حالقى وسى مەرزىم ىشىندە 13% -عا ءوستى. جاقىن ماڭداعى مەديسينالىق مەكەمەلەردىڭ كومەگىنە قول جەتىمدىلىكتى قامتاماسىز ەتۋ ءۇشىن گەوگرافيالىق اقپاراتتىق جۇيە جاسالىپ، ەنگىزىلگەن. الىنعان مالىمەتتەر نەگىزىندە دارىگەرلىك امبۋلاتوريالاردى اشۋ قاجەتتىلىگى بار جەرلەر انىقتالدى. 2019 جىلدان 2021 جىلعا دەيىن 35 دارىگەرلىك امبۋلاتوريا اشۋ جوسپارى جاسالدى. 2019 جىلى 11 دارىگەرلىك امبۋلاتوريا اشىلدى (1ء-ۋى جەرگىلىكتى بيۋدجەت ەسەبىنەن سالىندى).

سونداي-اق، «جاڭا الماتى» كەشەندى جوسپارى اياسىندا الداعى 5 جىل ىشىندە 1 ميلليوننان استام تۇرعىنعا ارنالىپ جاقىن ماڭدا قولجەتىمدى بولاتىن قوسىمشا 19 مەديسينالىق نىسان سالىنادى.