كوروناۆيرۋسقا بايلانىستى دۇنيەجۇزىلىك ستاتيستيكانى جاريالاپ وتىراتىن Worldometers.info سايتىنىڭ 8 شىلدەدەگى دەرەگىنشە، قازاقستان الەم ەلدەرىنىڭ اراسىندا ۆيرۋس جۇقتىرعاندار سانى جونىنەن ءبىر ساتى جوعارىلاپ، 33-ورىنعا تۇراقتادى. 

كەشە قازاقستان بۇل تىزىمدە 34-ورىندا تۇرعان. بۇگىن 1309 ادامىنان COVID-19 انىقتالعان قازاقستان وزىنەن ءبىر ساتى جوعارى تۇرعان نيدەرلاندىدان وزدى.

سوڭعى رەسمي اقپاراتقا ساي، ەلدە كوروناۆيرۋس جۇقتىرعاندار سانى – 51 059. دۇنيەجۇزىلىك ستاتيستيكادا قازاقستاننان ءبىر ساتى جوعارى تۇرعان كۋۆەيتتە ۆيرۋس جۇقتىرعاندار سانى قازاقستانمەن شامالاس. بۇل ەلدە 51 245 ادامنان COVID-19 انىقتالعان.

دۇنيەجۇزىلىك ستاتيستيكادا قازاقستاننىڭ الدىندا تۇرعان ەلدەردىڭ كوبىنىڭ حالقى قازاقستاندىكىنەن كوپ. 

ءقازىر الەمدە COVID-19 ­ءولىمى جانە جۇقتىرعاندار سانى بويىنشا اقش كوش باستاپ تۇر. بۇل ەلدە COVID-19-عا شالدىققاندار سانى 3،1 ميلليونعا جۋىقتادى. ۆيرۋستان قايتىس بولعاندار – 133 972 ادام. اقش بيلىگى ەلدە كوروناۆيرۋس ءورشىپ، جۇمىسسىزدىق كوبەيگەن كەزدە بۇۇ-عا دۇنيەجۇزىلىك دەنساۋلىق ساقتاۋ ۇيىمىنان شىعاتىنىن رەسمي مالىمدەدى. 

Worldometers.info سايتىنىڭ 8 شىلدەدەگى دەرەگىنشە، دۇنيەجۇزىندە كوروناۆيرۋس جۇقتىرعاندار سانى 12 ميلليونعا جۋىقتادى، 546 مىڭنان استام ادام ۆيرۋستان كوز جۇمدى.