بۇگىن، 8 شىلدەدە رەسەي قازاقستانعا گۋمانيتارلىق جۇك جىبەردى. بۇل تۋرالى قازاقستان سىرتقى ىستەر مينيسترلىگى حابارلادى.
مينيسترلىك سايتىندا جاريالانعان اقپاراتقا سۇيەنسەك، گۋمانيتارلىق جۇك قازاقستان پرەمەر-مينيسترى اسقار ءماميننىڭ رەسەي ۇكىمەتىنىڭ ءتوراعاسى ميحايل ميشۋستينمەن COVID-19-عا قارسى ءىس-قيمىل بويىنشا بىرلەسكەن ۋاعدالاستىقتارىنىڭ جالعاسى رەتىندە جىبەرىلگەن.
"رەسەي فەدەراسياسى گۋمانيتارلىق جۇگىندە مەديسينالىق ماسكا، قورعانىس كيىمدەرىنىڭ جيىنتىعى مەن مەديسينا پرەپاراتتارى بار. قازاقستانداعى گۋمانيتارلىق كومەكتىڭ ءبىرىڭعاي وپەراتورى "سق-فارماسيا" ج ش س بولىپ تابىلادى" دەلىنگەن مينيسترلىك حابارلاماسىندا.
بۇعان قوسا، مينيسترلىك جاقىن ارادا رەسەي تاعى بىرنەشە رەيس گۋمانيتارلىق جۇك جەتكىزەتىنىن اتاپ ءوتتى.
سوڭعى رەسمي اقپاراتقا ساي، قازاقستاندا كوروناۆيرۋس جۇقتىرعاندار سانى 51 مىڭنان استى. ءقازىر ەلدە كوروناۆيرۋسپەن بىرگە پنيەۆمونيا دا ءورشىپ تۇر. ءدارىحانادا ءدارى، اۋرۋحانادا ورىن جەتىسپەي جاتىر. 5 شىلدەدەن باستاپ ەلدە قايتادان كارانتين جاريالاندى.
پىكىر قالدىرۋ