1996 جىلدان باستاپ اۋىل تىرشىلىگى جاندانىپ، گۇلدەنە ءتۇستى. جەكە بيزنەس اشۋعا نيەت بىلدىرگەن كاسىپكەرلەرگە تۇڭعىش پرەزيدەنت باعىت-باعدار بەرىپ، قولداۋ كورسەتتى.
وسىلايشا، ەلباسى نۇرسۇلتان ءابىش ۇلى نازاربايەۆتىڭ كەڭ اۋقىمدى رەفورمالارىنىڭ اياسىندا اۋىلداعى اعايىننىڭ تۇرمىس-تىرشىلىگى تۇزەلدى. شىعىس قازاقستان وبلىسىنداعى «مايلى ءداندى داقىلدار تاجىريبە شارۋاشىلىعى» ج ش س ديرەكتورى فاريد ابيتايەۆ وسىلاي دەيدى.
- ەلباسىنىڭ ارقاسىندا جەر قاتىناستارىن قالپىنا كەلتىرەتىن كودەكس قابىلداندى. بۇل ءوز كەزەگىندە كاسىپكەرلەرگە اۋىلداعى جەكە بيزنەستى دامىتۋعا مۇمكىندىك بەردى، - دەدى فاريد ابيتايەۆ.
بۇگىندە اتالمىش كاسىپورىن باسشىسى ەلباسىنىڭ باستاماسىمەن ەل يگىلىگى ءۇشىن ىسكە اسىرىلعان ءاربىر رەفورمانى ماقتانىشپەن ەسكە الادى.
- نۇرسۇلتان نازاربايەۆ كاسىپكەرلەرگە جاڭا مۇمكىندىك سىيلادى. تۇڭعىش پرەزيدەنتىمىز شاعىن جانە ورتا بيزنەستى قولداۋ ماقساتىندا كاسىپ يەلەرىنە جەڭىلدەتىلگەن پايىزبەن نەسيەلەر بەردى. ۇلتتىق قوردان اۋىل شارۋاشىلىعى سالاسىنا قاجەتتى تەحنيكالاردى ساتىپ الۋ ماقساتىندا ارنايى ليزينگ ءبولدى. تۇپتەپ كەلگەندە، مۇنىڭ ءبارى ەلباسىنىڭ شالعايداعى اۋىلدارعا دەگەن قامقورلىعى دەپ تۇسىنەمىن، - دەدى فاريد ابيتايەۆ.
ايتا كەتەيىك، ۇلتتىق قور ەلباسىنىڭ باستاماسىمەن قۇرىلعان بولاتىن.
فاريد ابيتايەۆتىڭ ايتۋىنشا، «اگروبيزنەس-2020» باعدارلاماسى ديقانشىلارعا جاڭا مۇمكىندىك بەردى.
- ەلباسىنىڭ بارلىق باستاماسى مەن باعدارلاماسى اۋىل شارۋاشىلىعى سالاسىن دامىتىپ، ءونىم كولەمى مەن ينۆەستيسيانى ارتتىرۋعا باعىتتالدى، - دەپ تۇيىندەدى فاريد ابيتايەۆ.
ال، "سەمەنا ماسليچنىح" شارۋا قوجالىعىنىڭ باسشىسى ل.پ.سىبەنكو ەلباسىمەن كەزدەسۋىن ەرەكشە تولقىنىسپەن ەسكە الادى. ول 2017 جىلدىڭ 14 شىلدەسىن ءالى كۇنگە دەيىن ءبىر ءسات تە بولسىن، ەستەن شىعارعان ەمەس. سەبەبى ءدال وسى كۇنى جەكە كاسىپكەر ۇلى فودورمەن بىرگە ەلباسىمەن كەزدەسۋگە بارعان ەكەن.
- 2017 جىلدىڭ 14 شىلدەسىندە ەلباسى اۋىل شارۋاشىلىعى سالاسىنىڭ ماماندارىمەن باسقوسۋ وتكىزدى. بۇل كۇن ءبىز ءۇشىن ەرەكشە بولدى. كەزدەسۋ بارىسىندا نۇرسۇلتان ابىشۇلىمەن تىلدەسۋ باقىتى بۇيىردى. ەلباسى سونداي اقجارقىن، اشىق، قاراپايىم ادام ەكەنىنە كوزىم جەتتى. باسقوسۋدا تۇڭعىش پرەزيدەنت اۋىل شارۋاشىلىعى سالاسىن دامىتۋدى جاڭا دەيگەيگە كوتەرۋدى تاپسىردى، - دەدى ل.سىبەنكو.
ءوز سوزىندە جەكە كاسىپكەر ەلباسىنىڭ كوروناۆيرۋستىق ينفەكسيادان جازىلىپ شىققانىنا شىن جۇرەكتەن قۋانىشتى ەكەنىن جەتكىزدى.
- مەملەكەت باسشىسى قازاقستاننىڭ تۇڭعىش پرەزيدەنتى سانالى عۇمىرىن حالقىنا قىزمەت ەتۋگە ارناعان ەلىنىڭ ادال پەرزەنتى ءارى جاھاندىق دەڭگەيدەگى ساياساتكەر ەكەنىن اتاپ ءوتتى. مەن قاسىم-جومارت كەمەل ۇلىنىڭ بۇل سوزىمەن تولىق كەلىسەمىن، - دەدى ل.سىبەنكو.
شقو اقپارات ورتالىعى
