وتكەن جىلى پرەزيدەنت قاسىم-جومارت توقايەۆ قازاقستان حالقىنا جولداۋىندا اۋىل شارۋاشىلىعى جەرلەرىن پايدالانۋدىڭ تيىمدىلىگىن باقىلاۋ مەن مونيتورينگتى كۇشەيتۋ جونىندە (مەرزىمى: 2019 ج. قاراشا – 2021 ج.)، سونداي-اق ولاردى الىپ قويۋدىڭ مەحانيزمىن كۇشەيتە وتىرىپ، پايدالانىلمايتىن اۋىل شارۋاشىلىعى جەرلەرىن وندىرىستىك قىزمەتكە تارتۋ جونىندەگى جۇمىستى جانداندىرۋ تۋرالى تاپسىرمالار بەردى (مەرزىمى: 2019 جىلعى قاراشا، 2020 جىلعى مامىر). ال وسىدان ءۇش جىل بۇرىن ەلباسى نۇرسۇلتان نازاربايەۆ ماقساتىنا ساي پايدالانىلمايتىن نەمەسە زاڭنامانى بۇزا وتىرىپ پايدالانىلاتىن بارلىق اۋىل شارۋاشىلىعى جەرىن الىپ قويۋدى جانە ولاردى 2019 جىلدىڭ سوڭىنا دەيىن اۋىل شارۋاشىلىعى اينالىمىنا تارتۋدى قامتاماسىز ەتۋدى تاپسىرعان بولاتىن. سوعان سايكەس شىعىس قازاقستاندا وسى باعىتتاعى جۇمىستار تۇراقتى تۇردە ۋاكىلەتتى جانە جەرگىلىكتى اتقارۋشى ورگاندارمەن بىرلەسىپ جۇرگىزىلۋدە. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا جەردى پايدالانۋ جانە قورعاۋدى باقىلاۋ باسقارماسىنىڭ باسشىسى سەيسەنعازى چۋكايەۆ ءمالىم ەتتى.

 

بريفينگ بارىسىندا باسقارما باسشىسى 2015-2019 جىلدار ارالىعىندا پايدالانىلمايتىن نەمەسە زاڭنامانى بۇزا وتىرىپ پايدالانىلاتىن 1 554،0 مىڭ گا اۋىل شارۋاشىلىعى جەرلەرى انىقتالعانىن اتاپ ءوتتى. ونىڭ ىشىندە 1 032،3 مىڭ گا مەملەكەت مەنشىگىنە قايتارىلعان (ونىڭ ىشىندە 908،5 مىڭ گا اۋىل شارۋاشىلىعى اينالىمىنا تارتىلدى، 123،8 مىڭ گا تارتىلماعان – جەرگە ورنالاستىرۋ جوباسىنىڭ دايىندىعىنا قاراي كونكۋرسقا شىعارىلادى، سونداي-اق سۇرانىس جوق الىستاعى ۋچاسكەلەر بار)، 214،2 مىڭ گا – جەر پايدالانۋشىلار جەردى پايدالانۋعا كىرىستى، 307،5 مىڭ گا – ماتەريالدار مەملەكەتتىك ورگانداردىڭ قاراۋىندا (جەرلەردى قايتارۋ بويىنشا جۇمىستار جۇرگىزىلۋدە، يەسىز مۇلىك رەتىندە ەسەپكە الىنعان، سوتقا تالاپ-ارىز جىبەرۋ ءۇشىن ماتەريالدار دايىندالۋدا).