الماتى وبلىسىنىڭ اكىمى اماندىق باتالوۆ نۇر-سۇلتانداعى كارديولوگيا ورتالىعىندا ەم الىپ جاتىر. اكىمگە ەنتىگۋ مەن جۇرەك قان تامىرلارىنىڭ جەتكىلىكسىزدىگى دياگنوزى قويىلعان.
بۇل تۋرالى وبلىس اكىمىنىڭ ورىنباسارى باتىرجان بايجۇمانوۆ ونلاين-بريفينگتە ايتتى.
– وزدەرىڭىز بىلەتىندەي، اماندىق عابباسۇلىندا كوروناۆيرۋس ءۇش اپتا بۇرىن انىقتالعان بولاتىن. ول ەمدەلدى، ءبىراق ەنتىگۋ مەن جۇرەك قان تامىرلارىنىڭ جەتىسپەۋشىلىگىنىڭ باستالۋىنا بايلانىستى دارىگەرلەر ونى نۇر-سۇلتانداعى كارديولوگيا ورتالىعىنا جاتقىزۋ تۋرالى شەشىم قابىلدادى، – دەدى باتىرجان بايجۇمانوۆ.
سونداي-اق ول قازىرگى ۋاقىتتا اكىمنىڭ جاعدايى جاقسارعانىن اتاپ ءوتتى.
– ونىڭ جاعدايى الدەقايدا جاقساردى. ول ۇنەمى سپورتپەن اينالىسادى، دەنساۋلىعى مىقتى. سوندىقتان جاقىن ارادا ول جازىلىپ، جۇمىسقا كىرىسەدى، – دەدى بايجۇمانوۆ.
اماندىق باتالوۆتىڭ 22 ماۋسىم كۇنى كوروناۆيرۋسقا تاپسىرعان سوڭعى پتر تەستى ونىڭ Covid-19 جۇقتىرعانىن كورسەتكەن.
پىكىر قالدىرۋ