رەسەيگە ەسكەرتۋ ءۇشىن ۇلىبريتانيا اركتيكاعا "اڭشى-كيللەر" يادرولىق سۋ استى كەمەلەرىن جىبەردى. ناتو-نىڭ "Dynamic Mongoose" دەپ اتالاتىن وپەراسياسىنا ۇلىبريتانيانىڭ كورولدىك اسكەري-تەڭىز كۇشتەرىنىڭ يادرولىق سۋ استى كەمەسى جانە اقش، فرانسيا، نورۆەگيا، گەرمانيانىڭ سۋ استى كەمەلەرى، وعان قوسا، سۋ ءۇستى اسكەري كەمەلەرى مەن ۇشاقتارى قاتىسقان. بۇل تۋرالى قامشى ءتىلشىسى امەريكالىق usadailyexpress.com باسىلىمىنا سىلتەمە جاساپ حابارلايدى.
باسىلىمنىڭ جازۋىنشا، رەسەي قارۋلى كۇشتەرىنىڭ سۋ استىنداعى بەلسەندىلىگى سوڭعى ايلاردا كۇرت ارتىپ، سولتۇستىك فلوتقا كوپتەگەن سوعىس كەمەلەرى قوسىلعان. كوروناۆيرۋستىق پاندەميا كەزىندە ماسكەۋ اركتيكالىق ايماقتاعى جاتتىعۋلاردى ارتتىرىپ، كورشى مەملەكەتتەرگە اسكەري مانيەۆرلەر ارقىلى سەس كورسەتكەن. ناتو وپەراسياسى رەسەي اسكەري جاتتىعۋلارىنا ەسكەرتۋ رەتىندە بولىپ جاتقانىن جازدى امەريكالىق ب ا ق.
وسىعان بايلانىستى "Warships International Fleet Review" باسىلىمىنىڭ رەداكتورى ياين باللانتە ناتو-نىڭ ارەكەتىن "رەسەي قارۋلى كۇشتەرىنە ەڭ جاقسى سوققى" دەپ سيپاتتاعان.
– بۇل ۇلىبريتانيا مەن ونىڭ ناتو-داعى وداقتاستارىنىڭ ونداعان جىلدار ىشىندەگى پۋتينگە العاش رەت جولداعان قاتاڭ ەسكەرتۋى. بۇل وپەراسيا رەسەي شابۋىلىنىڭ دامۋىن جانە ولاردىڭ بالليستيكالىق سۇڭگۋىر قايىقتارىن قاداعالايدى،– دەيدى باللانتە.
پىكىر قالدىرۋ