تۇركىستان قالاسىنىڭ اكىمى راشيد ايۋپوۆ كوروناۆيرۋستان قالاي ەمدەلىپ جاتقانىن ايتتى. بۇل تۋرالى ول Facebook پاراقشاسىندا جازدى.

– مويىنداۋ – ەرلىكتىڭ ۇلكەنى، ال جاناشىرلىق – ادامدىقتىڭ بەلگىسى. ارداقتى اعايىن! قادىرمەندى جاناشىر دوستارىم! قۇرمەتتى جەرلەستەر!

باسىمنان وتكەن قيىندىقتار ءتىرى جاننىڭ باسىنا بۇيىرماسىن دەپ تىلەيمىن. وسى رەتتە، بارىنشا ساقتىق شارالارىن ورىنداۋ قاجەتتىلىگىن تاعى ءبىر مارتە ەستەرىڭىزگە سالۋعا رۇقسات ەتىڭىزدەر. ەڭ ماڭىزدىسى: بەتپەردە، دوستار! اراقاشىقتىق! تازالىق! ءوتىنىش، "ساقتانعاندى ساقتايدى" دەمەكشى ساق بولىڭىزدار! جاسى ۇلكەندەردى بارىنشا قورعاپ قالۋعا تىرىسايىق!، – دەپ جازدى اكىم جەلىدەگى پاراقشاسىندا.

قالا اكىمى بارشا قازاقستاندىقتاردى قيىن قىستاۋ شاقتا قولداۋ ءبىلدىرىپ، كومەك قولىن سوزۋعا شاقىردى.

– ەلىمىزدەگى بۇل جاعدايدى ءبارىمىز دە كورىپ وتىرمىز. جوققا شىعارۋعا تىرىسۋدىڭ، كوز جۇما قاراۋدىڭ ەش ءمانىسى بولماعان، ءقازىر دە جوق. سىزدەرگە دەگەن ۇلكەن ءوتىنىش: قيىن قىستاۋ زاماندا ەلىمىزگە بىرىگىپ قول ۇشىن سوزايىق. ءبىزدىڭ قولدان كەلمەگەندى سىزدەر جاساي الاسىزدار. "حالقىم ءۇشىن بارمىن!"، "قولداۋعا شامام جەتەدى!" دەگەندەرىڭىزدى جەكەگە جازۋلارىڭىزدى وتىنەمىن. ءقازىر قانداي دا كومەك ماڭىزدى!، – دەپ ءسوزىن تۇيىندەدى.

بۇعان دەيىن ەلدە ەلباسى نۇرسۇلتان نازاربايەۆ، دەپۋتات بەكبولات تىلەۋحان، الماتى وبلىسىنىڭ اكىمى اماندىق باتالوۆ، مەملەكەت باسشىسىنىڭ باسپا ءسوز حاتشىسى بەرىك ءۋالي جانە تاعى باسقا دا شەنەۋنىكتەر ۆيرۋس جۇقتىرعان.