قازاقستان پرەزيدەنتى قاسىم-جومارت توقايەۆ كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن جالپىۇلتتىق ازا تۇتۋ كۇنىن جاريالاۋ تۋرالى جارلىققا قول قويدى. پرەزيدەنتتىڭ جارلىعىن اقوردا سايتى جاريالادى.
"قازاقستان رەسپۋبليكاسىندا 2020 جىلعى 13 شىلدە كوروناۆيرۋس ىندەتىنەن قايتىس بولعان ازاماتتاردى ەسكە الۋ جالپىۇلتتىق ازا تۇتۋ كۇنى بولىپ جاريالانسىن" دەلىنگەن پرەزيدەنت جارلىعىندا.
كەشە، 8 شىلدەدە پرەزيدەنت قاسىم-جومارت توقايەۆ رەسپۋبليكالىق تەلەارنالاردان قازاقستاندىقتارعا ۇندەۋ جاساپ، قارا جامىلىپ وتىرعان ازاماتتاردىڭ قايعىلارىنا ورتاقتاسىپ، كوڭىل ايتاتىنىن، 13 شىلدەنى – ۇلتتىق ازا تۇتۋ كۇنى دەپ جاريالايتىنىن حابارلاعان.
