وڭتۇستىك جۇڭگو تەڭىزىندەگى شيەلەنىستەر ورشىگەن تۇستا، اقش ايماققا يادرولىق بومبالاۋشى ۇشاعىن جىبەردى. بۇل تۋرالى قامشى ءتىلشىسى نيۋ-يورك تايمس گازەتىنە سىلتەمە جاساپ حابارلايدى.

اقش پاراكەل ارالدارىنا جاقىن جەردە جاتتىعۋلار وتكىزدى. "ۆاشينگتون وڭتۇستىك جۇڭگو تەڭىزىندەگى ارتىپ كەلە جاتقان كۇشىن كورسەتۋگە تىرىستى" دەپ جازعان باسىلىم امەريكانىڭ يادرولىق قارۋلار الىپ جۇرەتىن سوعىس ۇشاعىننىڭ داۋلى ايماققا جىبەرىلگەنىن مالىمدەدى.

جۇڭگو ايماقتاعى ارالداردى ءوزىنىڭ مەنشىگى ەكەنىن جاريالاعاننان كەيىن دونالد ترامپ وڭتۇستىك جۇڭگو تەڭىزىندەگى اقش اسكەري كۇشتەرىن ارتتىرعان. امەريكالىق كاسىپورىندار ينستيتۋتىنىڭ مامانى وريانا سكىلار ماسترو قىتايدىڭ قايتارما ارەكەتتەرىنە ۆاشينگتوننىڭ دايىن بولۋ كەرەكتىگىن ەسكەرتكەن.

– ءبىز ولاردى پاراكەل ماڭىنداعى تەڭىزگە جىبەردىك، بۇل قاۋىپتىرەك. جۇڭگو بۇعان كۇشپەن جاۋاپ بەرۋى مۇمكىن، ءبىراق ءبىز بۇل قاتەردى قابىلداۋعا دايىنبىز، – دەدى مامان.

پەنتاگون شەنەۋنىكتەرى سوعىس ۇشاقتارىن تاسيتىن اسكەري كەمەلەردى قورعاۋ ءۇشىن كونۆەنسيالىق جانە يادرولىق قارۋدى الىپ جۇرەتىن "B-52 Stratofortress" بومبالاۋشىسىن داۋلى ايماققا جىبەرگەن.

بۇل قازىرگە دەيىنگى قىتايدىڭ ايماقتاعى ىقپالىن ارتتىرۋعا توسقاۋىل قويۋداعى ۆاشينگتوننىڭ سوڭعى قادامى.

بۇعان دەيىن وڭتۇستىك جۇڭگو تەڭىزىنە اقش-تىڭ سوعىس ۇشاقتارىن تاسيتىن اسكەري كەمەلەر جىبەرگەنىن حابارلاعان بولاتىنبىز.