قاراشا ايىندا بولاتىن اقش-تاعى پرەزيدەنتتىك سايلاۋعا دەيىن Facebook ءوزىنىڭ پلاتفورماسىندا ساياسي جارنامالارعا تىيىم سالۋدى قاراستىرىپ جاتىر. بۇل تۋرالى قامشى ءتىلشىسى CNN-گە سىلتەمە جاساپ حابارلايدى. 

الەمدىك ءىرى ينتەرنەت كومپانياسىنىڭ ىشكى پىكىرتالاستارمەن تانىس ادام بۇل اقپاراتتى CNN Business-كە ءمالىم ەتكەن. ونىڭ سوزىنشە، الەۋەتتىك جەلىدەگى تىيىم وتكەن جىلدىڭ كۇزىنەن باستاپ قارالىپ جاتىر.

پىكىرتالاستارمەن تانىس تاعى ءبىر ادام بۇل كومپانيا قاراستىراتىن كوپتەگەن نۇسقالاردىڭ ءبىرى عانا ەكەنىن جانە سوڭعى شەشىم قابىلدانباعانىن ايتقان. 

Facebook كومپانياسى "جالعان جارنامالاردى" جۇرگىزۋگە رۇقسات بەرۋ ساياساتى ءۇشىن سىنعا ۇشىراعان. الايدا باس ديرەكتور مارك سۋكەربەرگ كومپانيانىڭ ۇستانىمىن تاباندى تۇردە قورعاپ، ساياسي جارنامالارعا تىيىم سالۋ جاقسى يدەيا بولايتىنىن ايتقان. 

جارنامالارعا تىيىم سالىنۋى تۋرالى Bloomberg ءبىرىنشى رەت حابارلادى. Facebook وكىلى تۇسىنىك بەرۋدەن باس تارتقان. 

Twitter بىلتىر ساياسي جارنامالارعا ارنالعان اقشالارعا تىيىم سالعان.

– ءبىز ساياسي حابارلارعا قول جەتكىزۋىمىز كەرەك، ءبىراق ونى ساتىپ الۋ كەرەك ەمەس دەپ سانايمىز، – دەگەن Twitterء-دىڭ باس ديرەكتورى دجەك دورسي بۇل شەشىمدى تۇسىندىرگەن كەزدە.

بۇعان دەيىن Goole كومپانياسى دا ساياساتكەرلەدىڭ جارناماسىن شەكتەيتىن فۋنكسياسىن قوسقان.