ايتىسكەر اقىن اينۇر تۇرسىنبايەۆا الەۋمەتتىك جەلىدەگى پاراقشاسىندا 24 ساعات ىشىندە ازاماتتاردان 825 اپپارات، 825 وتتەگى كونسەنتراتورىنىڭ قارجىسى جينالعانىن جاريالادى.
ول قوماقتى قاراجاتتى جيناۋ ءۇشىن قالتالى ازاماتتارعا جالىنعانىن، قاجەتتى جاعدايدا ولەڭدەتىپ سۇراعانىن اتاپ ءوتتى.
– اي̆نالدىرعان 5 كۇندە 825 اپپاراتتىڭ قارجىسىن جيناپ تاستادىق. وڭاي̆ بولعان جوق! ەكونوميست داۋلەت تولەۋتاي ۇلى، قوعام بەلسەندىسى دينارا ءساتجان ۇشەۋمىز 24 ساعات تەلەفوندا وتىرىپ جەتكەن جەتىستىگىمىز وسى بولدى. كىشكەنە كوپشىك قوي̆ىپ جىبەرسەڭىزدەر 1000-عا جەتكىزىپ تاستاۋىمىز مۇمكىن. قالتالى ازاماتتارعا جالىنىپ جازدىق، ولەڭدەتىپ جازدىق. كىمنەن، قالاي̆ جيناعانىمىزدى اي̆تىپ ميلارىڭىزدى شىرىتپەي̆-اق قوياي̆ىن. كىمنىڭ قانشا بەرگەنىن دە اي̆تپاي̆-اق قوياي̆ىن. سەبەبى قارا حالىقتىڭ تيىنداپ بەرگەنى قالتالى باي̆دىڭ ميلليونىنان قۇندى، – دەدى تۇرسىنبايەۆا.
ونىڭ ايتۋىنشا، 125 اپپارات تۇركيادان بۇگىن جەتكىزىلەدى. 700 اپپارات 10-15 كۇننىڭ ىشىندە جۇڭگو̆دان اكەلىنەدى.
– دەنساۋلىق ساقتاۋ ءمينيسترى الەكسەي سوي تاراتۋعا كومەكتەسەتىنىن اي̆تىپ قۋانتىپ جاتىر. اي̆تپاقشى، وسى وتتەگى كونسەنتراتورى تۋرالى يدەيا قاي̆دان شىققانىن اي̆تاي̆ىن. فەي̆سبۋكتى اشسام قاپتاعان "يماندى بولسىن"، ينستاگرامدا دا دا سول. ۆاتساپتا دا سول. دارى-دارمەك ىزدەپ ەڭىرەگەن حالىق. "تۇركيادان دەكسامەتازون جىبەر، انتيبيوتيك جىبەر" دەپ جىلاعان جۇرت ۆاتساپقا تىنىم بەرمەدى. سونىمەن 5 ميلليون تەڭگەنى سالىپ الىپ، ءساتجان توقتاربايدى ەرتىپ ستامبۋلدان پاراسەتومول مەن انتيبيوتيك ىزدەپ شىقتىق. مەن يۆل مەن كونسەنتراتور دەگەندى كورمەك تۇگىل ەستىمەپپىن. ءدارىحانادا كەزەكتى تۇرىپ "مىناۋ نە نارسە" دەپ سۇراي̆ سالدىم. ءسوي̆تسەم وكپەسى قىسىلعان جۇرتقا وتتەگى بەرەتىن ەڭ قاجەتتى دۇنيە ەكەن. "وي̆باي̆-اۋ، باعاسى قانشا؟!" "200 مىڭداي̆!" ءوي̆، جۇرتتى شىبىنشا قىرىپ بارا جاتقان اۋرۋدىڭ ەمى تۇككە تۇرماي̆تىن اقشا عوي̆ قۇرسىن، وسىنى الاي̆ىق دەدىم. ينستاگرامدى ءبىر شۋلاتىپ 25 اپپاراتتى ساتىپ الدىم. ەرتەسىنە قايرات جولدىباي ۇلى حابارلاسىپ ءمان-جاي̆دى ءبىلدى دە اقشا جيناۋدى باستاپ كەتتى.
كەشە باسقا ءبىر كاسىپكەر ازاماتتار جۇڭگو̆دان 500 اپاراتكا تاپسىرىس بەرىپتى دەپ ەستىدىك. نە كەرەك 5-6 كۇننىڭ ىشىندە جۇرتتىڭ ءبارى اپپارات ىزدەپ كەتتى. قۇداي̆-اۋ وسىنى الىڭدار دەپ نەگە بىزگە ەرتەرەك اي̆تپادى دارىگەرلەر دەپ قويام. ەڭ بولماسا 1 اي̆ بۇرىن قيمىلداساق قانشاما ادامدى امان الىپ قالار ما ەدىك. ەستۋىمشە كوپتەگەن ناۋقاستار اۋا جەتپەي̆ تۇنشىعىپ باستاعاندا جۇرەكتەرى قورقىنىشتان جارىلىپ ءولىپ كەتەدى ەكەن. اي̆نالدىرعان 3-4 بلوگەر وسىنشا اقشا جيناعاندا بيزنەسمەندەر قازاقستانعا اپپاراتتى ءۇي̆ءىپ تاستاي̆دى عوي̆. جاعداي̆ اۋىر! كۇزدە تاعى كەلەدى دەي̆ءدى بۇل تاجال. قامداناي̆ىق قازاعىم!، – دەپ جازدى جەلىدەگى پاراقشاسىندا.
بۇعان دەيىن ايتىسكەر اقىن پرەزيدەنت قاسىم-جومارت توقايەۆقا الەۋمەتتىك جەلىدەگى پاراقشاسى ارقىلى ۇندەۋ جولداعان. كەيىننەن ۇندەۋ پرەزيدەنتكە جەتىپ، ماسەلە وڭ شەشىمىن تاپقانىن ايتقان.
پىكىر قالدىرۋ