قازاقستان قورعانىس ءمينيسترىنىڭ ورىنباسارى باقىت قۇرمانبايەۆ قايتىس بولدى. بۇل مالىمەتتى مينيسترلىكتەگىلەر راستادى.
ءولىمنىڭ سەبەبى ازىرگە ناقتى ايتىلمادى. ۆەدومستۆو وكىلدەرى كەيىنىرەك مالىمەت بەرۋگە ۋادە بەردى.
باقىت قۇرمانبايەۆ قورعانىس ءمينيسترىنىڭ ورىنباسارى قىزمەتىنە 2019 جىلدىڭ ساۋىرىندە تاعايىندالعان.
ول 1970 جىلى 21 قىركۇيەكتە وسكەمەن قالاسىندا دۇنيەگە كەلگەن.
1993 جىلى ءال-فارابي اتىنداعى قازاق مەملەكەتتىك ۋنيۆەرسيتەتىنىڭ فيزيكا فاكۋلتەتىن بىتىرگەن.
2005 جىلى رف قۇرلىق اسكەرلەرىنىڭ اۋە شابۋىلىنا قارسى قورعانىس اسكەري اكادەمياسىندا ءبىلىم الدى. 2008 جىلى رەسەي فەدەراسياسى قك باس شتابىنىڭ اسكەري اكادەمياسىنىڭ جوعارى اكادەميالىق كۋرستارىنان ءوتتى.
ءار جىلدارى فيزيكا ءپانىنىڭ ءمۇعالىمى، قورعانىس مينيسترلىگىنىڭ شتاب باستىقتارى كوميتەتى دەپارتامەنتىنىڭ باسقارما باستىعى بولىپ جۇمىس ىستەدى.
ءىى دارەجەلى "ايبىن" وردەنىمەن ماراپاتتالعان. گەنەرال-مايور شەنى بولعان.
مارقۇمنىڭ ارتىندا ايەلى، ەكى بالاسى قالدى.
پىكىر قالدىرۋ