قىركۇيەك ايىندا ۋنيۆەرسيتەتتەر پەن كوللەدج ستۋدەنتتەرى قاشىقتان وقيتىن بولادى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ بريفينگ بارىسىندا مالىمدەدى.
– ستۋدەنتتەر قاشىقتان وقىتۋ فورماتىنا كوشەتىن بولادى. "لاباروتيالىق جۇمىس جۇرگىزەتىن كەيبىر ماماندىقتار ءداستۇرلى رەجيمدە وقىتىلسا" دەگەن ۇسىنىس ايتىلىپ جاتىر. ءبىز مۇنداي مۇمكىندىكتى بەرۋگە ءازىرمىز. ءبىراق جوو-لار مەن كوللەدجدەر قاشىقتان وقىتۋ فورماتىندا وقۋدى جالعاستىرادى، – دەدى ايماعامبەتوۆ.
سونىمەن قاتار مينيستر ءبىرىنشى قىركۇيەكتەن باستاپ ەلدەگى بارلىق مەكتەپتەر قاشىقتان وقۋعا كوشەتىنىن اتاپ ءوتتى.
بۇعان دەيىن دەنساۋلىق ساقتاۋ ءمينيسترى الەكسەي سوي قىركۇيەكتەن باستاپ بارلىق مەكتەپتەردە وقۋشىلاردى قاشىقتان وقىتۋدى ۇسىنعان.
كەيىننەن ۇكىمەت باسشىسى اسقار مامين دەنساۋلىق ساقتاۋ مينيسترلىگىنىڭ ۇسىنىسىن قولداپ، وقۋشىلار ءبىرىنشى توقساندى قاشىقتان وقيتىنىن مالىمدەدى.
پىكىر قالدىرۋ