قازاقستاندا بالاباقشالار ءالى اشىلمايدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن بريفينگ كەزىندە ەلدىڭ ءبىلىم جانە عىلىم ءمينيسترى اسحات ايماعامبەتوۆ ايتتى.
ءمينيستردىڭ سوزىنشە، بالاباقشالاردى اشۋ ماسەلەسى ەلدە كارانتين مەرزىمى اياقتالعان سوڭ قاراستىرىلادى.
– ءقازىر كارانتيندى ۇزارتۋ تۋرالى شەشىم قابىلداندى. سوعان وراي، مەكتەپكە دەيىنگى مەكەمەلەر جۇمىس ىستەمەيدى. وسى ۋاقىت وتكەننەن كەيىن ەپيدەميولوگيالىق جاعدايعا بايلانىستى كەزەكشى توپتىڭ جۇمىسى بويىنشا شەشىم قابىلداناتىن بولادى. ءبىز بۇل پروسەسكە بەلسەندى قاتىسامىز. بالالاردىڭ قاۋىپسىزدىگىن قامتاماسىز ەتۋ وتە ماڭىزدى،– دەدى ايماعامبەتوۆ.
بۇعان دەيىن مەكتەپ وقۋشىلارى مەن ستۋدەنتتەردىڭ 1 قىركۇيەكتەن باستاپ ساباقتى ونلاين وقيتىنى حابارلانعان.
پىكىر قالدىرۋ