وڭتۇستىك جۇڭگو تەڭىزىندەگى ۆاشينگتون-بەيجىڭ شيەلەنىسى كۇشەيە تۇسكەن كەزدە، جۇڭگو امەريكانىڭ اسكەري ۇشاق تاسىمالداۋشى كەمەلەرىنە "كيللەر زىمىراندارمەن" ءقاۋىپ ءتوندىردى. بۇل تۋرالى قامشى ءتىلشىسى قىتايلىق گلوبال تايمس باسىلىمىنا سىلتەمە جاساپ حابارلايدى.
اعىلشىن تىلىندە شىعاتىن قىتايلىق گلوبال تايمس مەملەكەتتىك گازەتى Twitter پاراقشاسىندا قىتايدا سوعىس ۇشاقتارىن تاسۋشى كەمەلەرگە سوققى بەرەتىن "DF-21D" جانە "DF-26" سياقتى كيللەر زىمىراندار بار ەكەنىن حابارلاعان.
باسىلىمنىڭ جازۋىنشا، وڭتۇستىك جۇڭگو تەڭىزى #PLA-نىڭ (جۇڭگو ازاتتىق ارامياسىنىڭ) تولىعىمەن باقىلاۋىندا.
جۇڭگو فلوتىنىڭ اعا پولكوۆنيگى چجان يۋنشە "PLA Daily" گازەتىندە جاريالانعان تۇسىنىكتەمەسىندە بەيجىڭنىڭ تەڭىز ەگەمەندىگىنە قاتىستى ماسەلەدەن باس تارتپايتىنىن جانە اقش-تىڭ شەگىنۋ كەرەكتىگىن ايتقان.
قىتايدىڭ وڭتۇستىك قولباسشىلىعى رەسمي WeChat اككاۋنتى ارقىلى "تاۋدى شايقاۋ وڭاي، ءبىراق PLA-نى (جۇڭگو ازاتتىق ارمياسى) شايقاۋ مۇمكىن ەمەس" دەپ مالىمدەگەن.
وڭتۇستىك جۇڭگو تەڭىزىندە اقش پەن جۇڭگو اسكەري كۇشتەرى ءبىر ۋاقىتتا جاتتىعۋ وتكىزۋدە. جۇڭگو شىلدەنىڭ باسىندا پاراكەل ارالدارى ماڭىنا سوعىس كەمەلەرىن جىبەرگەن. كەيىنىرەك، ۆاشينگتون دا پاراكەل ارالدارى ماڭىنا اسكەري ۇشاقتار تاسىمالداۋشىلارىن جىبەردى. اقش وعان قوسا، يادرولىق بوملالاۋشىسىن دا جونەلتكەن.
اسكەري ساراپشىلار ەكى ەلدىڭ كوپتەگەن سوعىس ۇشاقتارى مەن كەمەلەرىنىڭ وتە جاقىن قاشىقتىقتا جاتتىعۋ وتكىزۋى اسكەري قاقتىعىس ءقاۋپىن كۇشەيتەتىنىن مالىمدەگەن.
پىكىر قالدىرۋ