جەلىدە تۇركىستان وبلىسىندا ورنالاسقان سايرام-وگەم مەملەكەتتىك ۇلتتىق تابيعي پاركىنىڭ  70 گەكتار جەرىن ارابتار جالعا العانى تۋرالى ۆيدەو پايدا بولدى. ۆيدەونى ەرلان فايزۋللايەۆ  جانە جانمۇرات اشاتيەۆ ەسىمدى Facebook جەلىسىنىڭ بەلسەندى قولدانۋشىلارى تۇسىرگەن.

ايتۋلارىنشا، تاۋ ىشىنەن سوعىلعان عيماراتتار سوزدەرىنە دالەل بولا الادى.

"بۇل مەن نەشە كۇننەن بەرگى ارابتارعا نە ماقساتپەن جەر بەرىلگەنىن تالاپ ەتىپ جۇرگەن تۇركىستان وبلىسىنداعى 4 اۋداننىڭ ءبىرى – تولەبي اۋدانىنداعى سايرام-وگەم مەملەكەتتىك ۇلتتىق پاركىندەگى جالعا ارابتارعا بەرىلگەن جەر. تاۋدىڭ ەڭ كەرەمەت جەرى قاسقاسۋدا 70 گا جەردى بەرگەن. وندا كىشىگىرىم قالاشىق" دەپ جازدى بەلسەندى فايزۋللايەۆ.

قامشى ءتىلشىسى ماسەلەنىڭ ءمان-جايىن ءبىلۋ ءۇشىن سايرام-وگەم مەملەكەتتىك ۇلتتىق تابيعي پاركىنىڭ اكىمشىلىگىنە قوڭىراۋ شالدى.

– جەردى ارابتار ەمەس، قازاقستان ازاماتى باكييەۆ ۆياچەسلاۆ 2009 جىلى 49 جىلعا جالعا العان. ارابتاردىڭ قارجىلاندىرۋىمەن قۇرىلىس ءجۇرىپ جاتىر. جول سالدى، سول جەردەگى عيماراتتار دا سول قاراجاتقا سالىندى. ولار (جەلىدەگى ازاماتتار – رەد.) 70 گەكتار دەيدى، ءبىرىنشى قانشا گەكتار ەكەنىن سۇراپ، ءبىلىپ السىن. بولماسا سول جەردى كەلىپ ولشەسىن. جالعا بەرىلگەن جەر كولەمى – 13،2 گەكتار. بۇل پارك جەكەمەنشىككە بەرىلمەيدى. بۇل – مەملەكەتتىك جەر. ءبىز جەردى تەك 49 جىلعا نەمەسە 5 جىلعا كەلىسىمشارت ارقىلى جالعا بەرە الامىز، – دەيدى سايرام-وگەم مەملەكەتتىك ۇلتتىق تابيعي پاركىنىڭ تۋريزم جونىندەگى ينجينەرى ءشىنالى وسپانوۆ.