قازاقستاندا ءبىر جىلدىڭ ىشىندە ناننىڭ ورتاشا باعاسى 10،5%-عا قىمباتتادى، دەپ حابارلادى ranking.kz.

ءبىرىنشى سۇرىپتى ۇننان جاسالعان بيداي نانى 9،2%-عا، جوعارى سۇرىپتى ۇننان جاسالعان نان 13،5%، قارا بيدايدان جاسالعان نان 12،6%-عا قىمباتتاعان.

قازاقستاننىڭ ءىرى قالالارى مەن مەگاپوليستەرىنىڭ ىشىندە ءبىرىنشى سۇرىپتى ۇننان جاسالعان بيداي نانى اتىراۋ (ءبىر كەلىسى 178 تەڭگە) جانە اقتاۋ (ءبىر كەلىسى 173 تەڭگە) تۇرعىندارى ءۇشىن قىمباتقا ءتۇستى. مۇنداي نان الماتىدا (كەلىسى 132 تگ) جانە تارازدا (ءبىر كەلىسى 138 تگ) ارزان.

سوڭعى ايدا كوكشەتاۋدا نان 5،6%-عا (169 تەڭگەگە)، تارازدا ءبىر جىل ىشىندە 27،8%-عا قىمباتتادى.

ال قارا بيداي نانى، اسىرەسە نۇر-سۇلتاندا (ءبىر كەلىسى 315 تگ)، وسكەمەندە (ءبىر كەلىسى 314 تگ) جانە سەمەيدە (ءبىر كەلىسى 313 تگ) قىمبات. ال اقتوبە مەن تالدىقورعان قالالارىندا ارزان (ءبىر كەلىسى 187 تەڭگە).

ءبىر اي ىشىندە قارا بيداي نانى كوكشەتاۋدا (+ 4،3%) جانە ورالدا (+ 4%)، ءبىر جىل ىشىندە اتىراۋدا (+ 39،1%) قىمباتتادى.

جوعارى سۇرىپتى بيداي ۇنى نۇر-سۇلتان(ءبىر كەلىسى 414 تەڭگە)، وسكەمەن (ءبىر كەلىسى 376 تەڭگە) جانە سەمەيدە (ءبىر كەلىسى 337 تەڭگە) تۇرعىندارى ءۇشىن قىمباتقا ءتۇسىپ وتىر. ەڭ ارزان نان قىزىلوردا (كەلىسى 203 تگ) مەن تارازدا (كەلىسى 207 تگ).

جوعارى سۇرىپتى بيداي ۇنىنان جاسالعان ناننىڭ قۇنى ءبىر ايدا الماتىدا 4،3%، ءبىر جىلدا تارازدا 21،1% قىمباتتادى.

قازاقستاندا قاڭتار-مامىر ايلارىندا نان ءوندىرىسى 292،8 مىڭ توننانى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 1،3%-عا از.