قىتايدان گۋمانيتارلىق كومەك رەتىندە كەلگەن مەديسينالىق ماسكالارعا كورونوۆيرۋس ينفەكسياسى جۇقتىرىلعان دەگەن WhatsApp جەلىسىندە تاراپ جاتقان اقپارات جالعان. بۇل تۋرالى دەنساۋلىق ساقتاۋ مينيسترلىگىنىڭ تاۋارلار مەن قىزمەتتەر ساپاسى جانە قاۋىپسىزدىگىن باقىلاۋ كوميتەتى مالىمدەدى.
بۇدان بولەك، ۆەدومستۆا وزگە مەملەكەتتەردەن كەلگەن مەديسينالىق ونىمدەر مەن دارىلىك قۇرالداردىڭ بارلىعى دا بەلگىلەنگەن تالاپتار بويىنشا تولىق تەكسەرىستەن وتەتىنىن ايتتى.
جالعان اقپارات تاراتقاندار قىلمىستىق كودەكستىڭ 274-بابى (كورىنەۋ جالعان اقپارات تاراتۋ) بويىنشا قىلمىستىق جاۋاپقا تارتىلاتىن بولادى.
پىكىر قالدىرۋ