قازاقستاندىقتار ءوز قاجەتتىلىگى ءۇشىن شەكارالاس ەلدەردەن دارى-دارمەكتى ەش كەدەرگىسىز الىپ كەلە الادى. بۇل تۋرالى ق ر دەنساۋلىق ساقتاۋ ۆيسە-مينيسترى ليۋدميلا بيۋرابەكوۆا ونلاين بريفينگتە ايتتى.
ۆيسە-مينيستردىڭ ايتۋىنشا، رەسەي فەدەراسياسىمەن شەكارالاس جاتقان اۋماقتا تۇراتىن قازاقستاندىقتار بۇل ەلدەن ءوزى جانە جاقىن تۋعان-تۋىستارى ءۇشىن ءتيىستى قۇجاتتارى بولعان كەزدە دارى-دارمەكتى الىپ كەلە الادى.
– بۇگىنگى كۇنى زاڭنامادا وزىنە قاجەتتى دارىلىك زاتتاردى تاسىمالداۋعا شەكتەۋ جوق. بۇل ق ر حالىق دەنساۋلىعى مەن دەنساۋلىق ساقتاۋ جۇيەسى تۋرالى كودەكستە جازىلعان. ءتيىستى قۇجاتتارعا ساي بولسا، ءوز قاجەتى ءۇشىن دارى-دارمەك اكەلۋگە تىيىم سالىنباعان، – دەدى ليۋدميلا بيۋرابەكوۆا.
پىكىر قالدىرۋ