پاندەميا كەزىندە شەتەلدە قالعان قازاقستاندىقتاردى، گۋمانيتارلىق كومەك كورسەتتى جەتكىزۋمەن اينالىسقان ۇشقىش بولات سەرىكبايەۆ قايتىس بولدى. بۇل تۋرالى zhaloby_astana سايتى حابارلادى.

بولات مۇسا ۇلى "SCAT" اۋە كومپانياسىندا جۇمىس ىستەگەن.

"SCAT اۋە كومپانياسى ءۇشىن قارالى قازا. سەرىكبايەۆ بولات مۇسا ۇلى ءقاۋىپتى ىندەتپەن كۇرەستە قايتىس بولدى. ول ءوز سالاسىنىڭ ناعىز كاسىپقويى. Boeing-757 جانە Boeing-767 اۋە كەمەلەرىنىڭ 38 جىلدان استام جۇمىس تاجىريبەسى بار كومانديرى بولدى. گۋمانيتارلىق جۇكتەردى جەتكىزۋ جانە وتانداستارىمىزدى وتانىنا قايتارۋ بويىنشا رەيستەردى ورىنداۋعا بەلسەنە قاتىسقان. ول قيىن-قىستاۋ ساتتە بارلىعىنا كومەك كورسەتتى. بولات مۇسا ۇلى قىزمەتىنە جاۋاپتى، ۇلكەن قۇرمەتكە يە مامان بولدى. ءبىز جاقىندارىمىزبەن بىرگە قايعىرىپ، كوڭىل ايتامىز" دەلىنگەن اۋە كومپانياسى تاراتقان حابارلامادا.

بۇعان دەيىن ءقاۋىپتى ىندەتتەن قازاقستان قورعانىس ءمينيسترىنىڭ بۇرىنعى ورىنباسارى – امىربەك توگىسوۆ، قازاقستاننىڭ پرەزيدەنتتىگىنە ۇمىتكەر بولعان – جاقسىباي بازىلبايەۆ، اقتوبە قالاسىندا ينفەكسيالىق اۋرۋحانانىڭ باس دارىگەرى – قاليحان قوزباعاروۆ، الماتى وبلىسى اكىمىنىڭ ورىنباسارى – سەرىكجان بەسكەمپىروۆ، سونىمەن قاتار الماتى وبلىسىنىڭ باس مەملەكەتتىك سانيتار دارىگەرى – قايرات بايمۇحامبەت قايتىس بولعان.