ءاربىر وسى پاكەتتە دارىگەرلەرگە ارنالعان ۆيتاميندەر مەن پايدالى قاسيەتتەرى بار ونىمدەردىڭ وننان استام ءتۇرى سالىنعان. پاكەتتەرگە اتالعان ونىمدەر دارىگەرلەردىڭ ۇسىنىسى بويىنشا سالىنعانىن اتاپ ءوتۋ كەرەك.

ۆولونتەردىڭ ايتۋىنشا، بۇل اكسيا ەلىمىزدىڭ بارلىق وڭىرلەرىندە جالعاسىن تابۋدا. 

"بۇگىن ءبىز، جاسوتاندىقتار، ءبىزدىڭ ەرجۇرەك دارىگەرلەرىمىز ءۇشىن اكسيا ۇيىمداستىردىق. ويتكەنى، ولار بۇكىل قوعامدى ابىگەرگە سالعان كوروناۆيرۋس پاندەمياسىمەن كۇندەلىكتى كۇرەسۋدە. ءاربىر پاكەتتە ۆيتاميندەر مەن مينەرالدار بار پايدالى ونىمدەر سالىنعان. سونداي-اق، بۇل اكسيانى وڭىرلەردە ءبىزدىڭ ەرىكتىلەر جالعاستىراتىن بولادى. ءبىز بۇل اۋرۋدى بىرلەسىپ جەڭەمىز دەپ سەنەمىن"، - ايداربەك باقداۋلەت.

"Jas Otan" جق 100-دەن استام ەرىكتىسى بىرنەشە اپتا بويى ءوز وتباسىلارىنان وقشاۋلاۋعا ءماجبۇر بولعان ورتا بۋىن مەديسينا قىزمەتكەرلەرى ءۇشىن "العىس پاكەتتەرىن" تاراتۋدى ۇيىمداستىرۋدى جوسپارلاپ وتىر.

قازىرگى ۋاقىتتا نۇر-سۇلتان قالاسىندا كوروناۆيرۋسقا قارسى كۇرەستە 2،5 مىڭنان استام مەديسينا قىزمەتكەرى، الماتىدا 4 مىڭ مەديسينا قىزمەتكەرى جۇمىس ىستەيدى.