42500 تەڭگەنى وتكەن جولى العان ازاماتتار قايتا ءوتىنىش بەرمەيدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ونلاين بريفينگتە حابارلادى.
42500 تەڭگەنى وتكەن جولى العان ازاماتتارعا sms-حابارلاما جىبەرىلەدى. ولار قايتادان ءوتىنىش بەرمەي-اق، enbek.kz جانە E-gov پورتالىنان ءوتىنىم مارتەبەسىن باقىلاپ وتىرۋى كەرەك.
– بىردەن بىرنەشە ەلەكتروندىق پلاتفورمالاردا ءوتىنىم بەرمەگەن ءجون. بۇل پورتالدىڭ جۇمىسىن قيىنداتادى. وتكەن جولى ءوتىنىش 18 ملن رەت بەرىلگەندىكتەن، ەكىنشى رەت ءوتىنىش جۇرگىزىلمەيدى. جسن بويىنشا ءبىر رەت ارىز بەرىڭىز. ءبىراق ءبارىن مۇقيات تەكسەرىڭىز. 12 ساندىق كارتانىڭ ءنومىرىن ەمەس، 16 ساندىق شوتتىڭ دۇرىس مالىمەتتەرىن كورسەتۋ كەرەك. ءوتىنىمىڭىزدىڭ قابىلدانعانىن كۇتىڭىز. سودان سوڭ پورتالداعى مارتەبەڭىزدى باقىلاي الاسىز، – دەدى ول.
سونداي-اق مينيستر 42500 تەڭگە جاردەماقىنى الۋعا وتىنىشتەر 1 قىركۇيەككە دەيىن قابىلداناتىنىن جەتكىزدى.
پىكىر قالدىرۋ