The Times گازەتىنىڭ مالىمەتى بويىنشا، ەكۆادوردان قىتايعا يمپورتتالعان ءبىر قوراپشا مۇزداتىلعان اسشايانداردان كوروناۆيرۋس تابىلعان. وقيعاعا بايلانىستى جۇڭگو شامامەن 23 كومپانياعا تىيىم سالعان.

قىتايدىڭ جالپى كەدەن اكىمشىلىگىنىڭ ازىق-تۇلىك قاۋىپسىزدىگى جونىندەگى ديرەكتورى بي كەشين يمپورتتالاتىن ازىق-تۇلىكتىڭ 200 000-نان استام سىناماسىن سىناقتان وتكىزگەنىن ايتقان. ولاردىڭ ىشىندە ەكۆادوردىڭ التى اسشايانىنان COVID-19 انىقتالعان.

– شەتەلدە پاندەميا تەز دامىپ كەلەدى، اسىرەسە كەيبىر ەلدەردە (قىزمەتكەرلەر) قايتا قالىپتى جۇمىسقا شىققاننان كەيىن، تىزبەكتىك ينفەكسيا ءقاۋپى ارتتى، – دەگەن جۇڭگو شەنەۋنىگى. 

سونداي-اق قىتايدا اقش، برازيليا جانە گەرمانيانىڭ كومپانيالارىنا سانكسيا سالىنعان.

بريتانيالىق كەيبىر كومپانيالار دا ءوز ەركىمەن ازىق-تۇلىك ەكسپورتىن توقتاتقان.