پرەزيدەنت قاسىم-جومارت توقايەۆ ۇكىمەتكە پاندەميانىڭ ستاتيستيكاسىن بىرىزدەندىرۋ مىندەتتەلگەنىن حابارلادى. بۇل تۋرالى ول Twitter پاراقشاسىندا جازدى.
"ۇكىمەتكە پاندەميانىڭ ستاتيستيكاسىن بىرىزدەندىرۋ مىندەتتەلدى. ازاماتتاردىڭ دەنساۋلىعى مەن ومىرىنە كوروناۆيرۋستان بولەك، وكپە قابىنۋى دا ۇلكەن زاردابىن تيگىزىپ وتىر" دەلىنگەن پرەزيدەنت جازباسىندا.
سونىمەن قاتار ەلدەگى پاندەميا احۋالى تۋرالى قوعام بارلىعىن ءبىلۋى ءتيىس ەكەنىن اتاپ ءوتتى.
"پاندەميا احۋالى تۋرالى بارلىق اقپارات قانشا جەردەن اششى بولسا دا، ونى قوعام بىلۋگە ءتيىس. جاريالىلىق پەن ءوزارا سەنىم بولعاندا عانا، ءبىز بىرلەسە وتىرىپ بۇل ىندەتتى تەزىرەك جەڭەمىز" دەدى قاسىم-جومارت كەمەل ۇلى.
سوڭعى رەسمي اقپاراتقا سايكەس، ەلدە كوروناۆيرۋسقا شالدىققاندار سانى 66 895 ادامعا جەتىپ وتىر. وسى ۋاقىتقا دەيىن ولاردىڭ 39 066-ى اۋرۋىنان جازىلىپ شىقتى. ال 375 ادام ىندەتتەن كوز جۇمدى.
پىكىر قالدىرۋ