بۇگىن ىسقاق ەگەمبەردييەۆ "اتىراۋ-اقپارات" مەديا-حولدينگىنىڭ جاڭا ديرەكتورى بولىپ تاعايىندالدى، دەپ حابارلادى اتىراۋ وبلىسىنىڭ كوممۋنيكاسيالار قىزمەتى.

"اتىراۋ-اقپارات" ۇجىمىنا جاڭا باسشىنى اتىراۋ وبلىسى اكىمنىڭ ورىنباسارى باقىتگۇل حامەنوۆا تانىستىرىپ، قىزمەتىنە ساتتىلىك تىلەدى.

ىسقاق ەگەمبەردييەۆ​ 1983 جىلى دۇنيەگە كەلگەن. ءبىلىمى – جوعارى.

2000-2004 جىلدارى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.​ ودان كەيىن 2005-2007 جىلدارى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا ماگيسترى بىلىكتىلىگى مەن اكادەميالىق دارەجەسىن العان.

ەڭبەك جولىن 2000 جىلى قاراعاندى وبلىسى جەزقازعان قالاسىنىڭ​ "سارىارقا"، "مىستى ءوڭىر" ​ گازەتتەرىندە ءتىلشى بولىپ باستاعان.

2003-2004 جىلدارى "قازاق ۋنيۆەرسيتەتى"،​ "جاس الاش”" گازەتتەرىنىڭ ءتىلشىسى قىزمەتتەرىن اتقارعان.

2005-2019​ جىلدارى ارالىعىندا​ "حابار" اگەنتتىگىندە سەناريست، رەداكتور، شەف-رەداكتور، پروديۋسەر، جوبا جەتەكشىسى بولىپ ەڭبەك ەتكەن.

2019 ساۋىرىنەن باستاپ "اتىراۋ-اقپارات" ءجشس-ى ديرەكتورىنىڭ ورىنباسارى قىزمەتىن اتقارىپ كەلدى.

قازىرگى ۋاقىتتا "اتىراۋ – اقپارات" مەدياحولدينگى 2 وبلىستىق، 7 اۋداندىق گازەتتى، 11 سايتتى جانە ۇلكەن باسپاحانانى بىرىكتىرىپ وتىرعان ۇلكەن قۇرىلىم.

قازىرگى ۋاقىتتا حولدينگتە ءداستۇرلى جۋرناليستيكامەن بىرگە، ينتەرنەت مەديا دامىپ كەلەدى.