كاتەرينا ەسىمدى پاۆلودارلىق مەيىرگەر Instagram پاراقشاسىندا ءدارىگەرلەردىڭ جۇمىسى تۋرالى الەۋمەتتىك جەلىدە جازىلعان جاعىمسىز پىكىرلەرگە نارازىلىق ءبىلدىردى.

"كەيدە ماعان وسى ءبىزدى، ياعني مەيىرگەرلەردى ەشكىم قاجەت ەتپەيتىن سەكىلدى.

ءيا، كەرەك ەمەسپىز، سەبەبى سىزدەر قالاي ەمدەلۋ كەرەكتىگىن، قاي̆ ءدارىنى قاي̆ ۋاقىتتا ءىشۋ كەرەك ەكەنىن بىلەسىزدەر عوي. قاي̆ ەكپەنى قاي̆دا سالۋ كەرەك ەكەنىن نۇسقاپ وتىراسىزدار.

ءبىز سوندا نە ءۇشىن كەرەكپىز؟ اياق كيىم ءسۇرتۋ ءۇشىن بە؟

مەن ەشكىمنەن قوشەمەت سوزدەر كۇتپەيمىن، تەك جەلىدە جازىلعان "وي، ولار نە ىستەپ جاتىر"، "مەنىڭ جاقىنىمدى جاتقىزدى ەشكىم قاراپ جاتقان جوق، ولارعا ءبارىبىر" دەگەن پىكىرلەردى كورگەندە كوڭىلىم قۇلازىپ كەتەدى.

رەت-رەتىمەن ايتايىق.

كۇنىنە ءتورت مەيىرگەر جۇمىسقا شىعامىز. ەكەۋى بەكەتتە، ەكەۋى ەم-شارا قىزمەتىندە. بولىمشەدە جاتقان جەتپىس ادام. ءار ناۋقاستىڭ ەمدەۋ شارالارى ءارتۇرلى.
⠀
ءبىر بولىمشەدە 70 ادام، 4 مەيىرگەر.

ءبىز فيزيكالىق تۇرعىدا الىپ قاراساق، سىزدەر ويلاعانداي ۋاقىتتى بولە المايمىز. ارنايى كيىمنىڭ ىشىندە تۇنشىعىپ جۇرگەنىمىزگە قاراماستان، ءبىز بارلىعى ءۇشىن ۋايىمدايمىز. ءدال سولاي اۋىرىپ جاتقان جاقىندارىمىز ءۇشىن دە الاڭدايمىز. كەيدە ولاردان ايىرىلىپ تا قالىپ جاتامىز. سونىڭ بارلىعىنا قاراماستان ءبىز سىزگە جانە جاقىندارىڭىزعا كومەكتەسۋ ءۇشىن كۇندە جۇمىسقا كەلەمىز. ءبىز دە ادامبىز، ءبىراق ءبىز جاعانىڭ باسقا جاعىندامىز. 
⠀
وزدەرىڭىزدىڭ اشۋعا تولى پىكىرلەرىڭىزدى ىشتە ۇستاڭىزدارشى. ءبىز قولدان كەلگەننىڭ بارلىعىن جاساپ جاتىرمىز، كەيدە ودان دا كوپ. 

اۋرۋحانادان ءبىر ادام ەم الىپ، جازىلىپ شىقسا، سول ءبىزدىڭ جۇمىسىمىزعا بەرىلەر باعا" دەلىنگەن دارىگەر جازباسىندا. 

سوڭعى رەسمي اقپاراتقا سايكەس، ەلدە كوروناۆيرۋسقا شالدىققاندار سانى 66 895 ادامعا جەتىپ وتىر. وسى ۋاقىتقا دەيىن ولاردىڭ 39 066-ى اۋرۋىنان جازىلىپ شىقتى. ال 375 ادام ىندەتتەن كوز جۇمدى.
⠀