ترامپ ءجۇز ميلليونعا جۋىق جۇڭگو ازاماتىنا سانكسيا سالماق. سانكسياعا جۇڭگو كوممۋنيستىك پارتياسىنىڭ جوعارى لاۋازىمدى تۇلعالارىنان باستاپ، ولاردىڭ بالالارى، وتباسى مۇشەلەرى، ءتىپتى، بيزنەس وكىلدەرى جانە ونداعان ميلليون جۇڭگو ازاماتى ەنۋى مۇمكىن. بۇل تۋرالى قامشى ءتىلشىسى نيۋ-يورك تايمس گازەتىنە سىلتەمە جاساپ حابارلايدى.

ترامپ اكىمشىلىگى جۇڭگو كوممۋنيستىك پارتياسىنىڭ (قكپ) لاۋازىمدى مۇشەلەرى مەن ولاردىڭ وتباسى مۇشەلەرىنە اقش-قا ساپارلاۋعا تىيىم سالۋدى قاراستىرۋدا، – دەپ حابارلاعان اق ۇيگە جاقىن اقپارات كوزدەرى.

اق ءۇيدىڭ باسپا ءسوز حاتشىسى كايلي ماك ەناني جۋرناليستەرگە اقش قىتايعا قاتىستى بارلىق نۇسقالاردى قاراستىراتىنىن مالىمدەگەن.

جۇڭگو باسشىسى سي سزينپين باسقارعان كوممۋنيستىك پارتيادا 92 ميلليوننان استام مۇشە بار. پارتياعا جۇڭگو بيلىگىنىڭ قۇزار شىڭىنداعى ادامدار مەن ادەتتەگى قىزمەتكەرلەر مۇشە بولعان. ال بۇل سانكسيا – جۇڭگو قوعامىنىڭ ۇلكەن بولىگىن ۇستايتىن 92 ميلليوننان ارتىق ادامعا، ءتىپتى، بەيجىڭ كوممۋنيستەرىنىڭ وتباسى مۇشەلەرىن قوسا ەسەپتەگەندە، ءجۇز ميلليوننان استام ادامعا تىيىم سالۋ بولىپ سانالادى. 

اقپاراتتى العاش بولىپ جاريالاعان نيۋ-يورك تايمستىڭ پىكىرتالاستارى بويىنشا، بۇل ۆاشينگتوننىڭ بەيجىڭمەن اراداعى ارازدىقتىڭ ەڭ قاتاڭ ارەكەتتەرىنىڭ ءبىرى بولۋى مۇمكىن. كەيبىر ساراپشىلار جۇزدەگەن ميلليون قىتايعا ۆيزا بەرۋدەن باس تارتۋ تۋرالى شەشىم بار ەكەنىن ايتسا، كەيبىرى مۇنى "جاڭا قىرعي-قاباق سوعىسىنىڭ باستالۋى" دەپ تۇسىندىرۋدە. 

– مۇنداي سانكسيا جۇزەگە اسىرىلسا، جۇڭگو كوممۋنيستىك پارتياسىنىڭ ەڭ جوعارى دەڭگەيىنەن باستاپ ءارتۇرلى دەڭگەيىنە دەيىن سوققى بەرىلەدى، – دەيدى Reuters اگەنتتىگى.

اگەنتتىكتىڭ جازۋىنشا، بۇعان تەك قانا ديپلوماتتار عانا ەمەس، سونىمەن بىرگە بيزنەس-مەنەدجەرلەر دە كىرەدى.

– اقش-تىڭ كوپتەگەن اگەنتتىكتەرىندەگى شەنەۋنىكتەر كوممۋنيستىك پارتيا مۇشەلەرى بالالارىنىڭ امەريكا ۋنيۆەرسيتەتتەرىندە وقۋىنا تىيىم سالۋ تۋرالى ماسەلەنى قاراستىراتىن پروسەسكە قاتىسادى،–دەيدى تالقىلاۋ تۋرالى اقپارات تاراتقان دەرەككوزدەر.

مۇنداي تىيىمنىڭ قالاي تالقىلانىپ جاتقانى ترامپتىڭ كومەكشىلەرى ءبارىن دايىنداعان كەزدە جاريالانۋى مۇمكىن. سەبەبى قىتايعا قارسى قاتاڭ تاقىرىپتاردى ترامپ ءوزىنىڭ قاراشا ايىنداعى قايتا سايلاۋ ناۋقانىنا باعىتتايدى.

ترامپ پەن پرەزيدەنتتىكتەن ۇمىتكەر دەموكرات دجو بايدەن ەكەۋى قىتايعا قارسى قاتاڭ ساياساتتان بىر-بىرىنەن اسىپ ءتۇسۋ ءۇشىن باسەكەگە تۇسۋدە.