بەلگىلى زاڭگەر، قوعام بەلسەندىسى ايگۇل ورىنبەك الەۋمەتتىك جەلىدەگى پاراقشاسىندا اقىن مۇحامەدجان تازابەكوۆتى سىنعا الدى.
– پوليسيانى جيناپ، حالىقتى ۇرىپ، سوعۋعا شاقىرىپ، ۋاعىز ايتىپ لەكسيا وقىعاندا، دەلەبەڭ قوزىپ تۇرىپ بيلىكتىڭ تىلىندە سايراپ ەدىڭ؟!
حالقىڭ شىبىنداي قىرىلىپ جاتقاندا، اينۇرعا جىر ايتۋعا شاماڭ كەلىپ، بيلىككە دات ايتۋعا قورىقتىڭ با؟
"تىعىپ وتىرعان دارى-دارمەكتى شىعار"- دەپ نەگە ايتپايسىڭ ؟
تاجىكتەرگە بەرەتىن دەمدى، ءوز ۇلتىڭا بەر دەپ نەگە سايرامايسىڭ؟
حالىقتىڭ وسىلاي دەم جەتپەي ولۋىنە، حان جانىندا جاعىمپازدانىپ جۇرگەن سەندەر دە كىنالىسىڭدەر!
قولىڭا قارۋ ال دەمەيمىن، قولىڭا اللا دومبىرا بەردى، حالىقتىڭ ءۇنىن جەتكىز دەپ!
حارام دەپ تاستاعان دومبىراڭدى قولىڭا قايتا الىپسىڭ اينۇر قىزعا جىر ايتۋعا! بيلىككە داتتىڭدى ايتىپ نەگە شىقپادىڭ؟!
اسىل ارناڭدى اشىپ الىپ، جاستاردى ۋلاعانشا، "ەمدىك" ارنا اشىپ، حالقىڭدى ەمدەگەندە، ۇلتىڭا پايداڭ تيەر ەدى.
اللانىڭ نۇرىنا، حالقىڭنىڭ العىسىنا شومىلار ەدىڭ!
قازاق قىزدارىن بارىنشا، وراندىرىپ، ءۇنىمىزدى وشىرۋگە بارىنشا تىرىسىپ ەدىڭدەر!
ەلدىڭ باسىنا جۇت كەلگەن دە "قازاق قىزدارى" حالقىنا دەم بەرىپ، ءومىر سىيلادى!
ۇلتتىڭ، ۇرپاقتىڭ جويىلماۋىنا قولدارىنا قىلىش پەن قامشى العان تاعى دا سول قازاقتىڭ قىزدارى!
ال سەندەر قولدارىڭداعى سوڭعى قامشىلارىڭدى دا قىزدارعا بەرىپ قويدىڭدار!
بۇدان كەيىن ەل الدىنا شىعىپ سايراماي اق قويساڭدار بولادى!
ەلدىڭ باسىنا قارا كۇن تۋعاندا اشىلماعان جاق، بۇدان كەيىن سايراماي اق قويسا دۇرىس بولار ەدى!، – دەپ جازدى قوعام بەلسەندىسى.
پىكىر قالدىرۋ